宜家系9月1日, 連學都開左先黎打我暑假既野…
基本上我地今年暑假系提早左放, 29/6就放左,不過功課都多左n倍.
只系1本Grammar Builder 3 都有成1.5cm厚, 我真系量過~
所有既功課總共厚Ncm, 做都做死人啦… 咁多架, 有冇唸過我地點做架, 學校…
但系我8月尾差吾多已經做曬, 好采, 吾洗通宵啫.
之前暑假頭既事都吾系好記得, 而且冇咩特別, 只系日日10點幾起身 , 彈琴, 煲劇, 做功課等等.. 仲有得閒約d人出去打羽毛球.
嘩, 個次同蝦米打, 真系難忘到咩咁.
仲記得個日系8號風球既翌日, 我地打左個波上樹度, 連路人都笑我地..
不過, 真系好好采,
第一、個波吾系我地既, 系尹伯既. 所以我一d都吾擔心
第二、話左系8號風球翌日架啦, 細風到丫, 仲想話d風會吹個波落黎加嘛… 佢吾落我都冇計架..
第三、個波最後真系比d風吹左落黎囉…
跟住, 以我強勁記憶力記得7月26日, 我、軒姐、羅幫同張泰去左書展.
睇下我記吾記得先…
張泰遲到左小小, 我地去左7仔等佢, 真系好快到…
到左會展, 除左講多人之外, 就系勁多人, 明白到, 近在眼前卻遠在天邊.條隊長到乜咁, 有冇搞錯.
我地仲一定要起1點前去到買飛同入場, 仲擔心入吾入到掭,
但系都比我地早幾分鍾就入左場, 真好采.
之後, 我地分頭行事, 我同軒姐, 羅幫同張泰咁..
到左差吾多睇曬、行曬就想走. 軒姐話佢要去九把刀既簽名會, 所以我地3條友走先.
我地系去左食M記, 第一次飲朱古力奶色, 真系吾錯.
7月31日, 當我地排書展既入場隊個陣已經話一齊去動漫節, 所以佢一開幕既個日, 我地已經去. 去到公園先知華少都去, 所以就一齊左啦.
去到又分頭行事, 又系我同軒姐到處行下, 羅幫同張泰去找天翔號孔明, 華少自已一個去找手套…
點知軒姐去左排一條激長既隊, 我唯有自己一個睇睇..
一個睇得特別快, 話咁快就行完左, 打左比羅幫, 佢地都行得七七八八.
我就join佢地再行多幾次, 都冇野想買.
行左去睇高達, 最搞笑系我地睇睇下, 當我發現吾見左羅幫同張泰之際, 就見到張泰正正就起我面前, 而且望住遠方, 表情幾迷惘.
然後我同張泰企起度左5秒就見到羅幫在我地1.5米附近正目不轉睛、雙眼發光地望住某個高達.
突然, 殺出一個程咬金. 有個電視台既記者走去訪問羅幫,
羅幫個樣變得好正經, 搞到我同張泰笑死左… XD
跟住羅幫講番, 話:
記者: 你覺得今年既動漫節點丫?
羅幫: 冇咩, 好熱鬧丫
記者: ……
羅幫: ……
羅幫話就可以比人剪走, 吾洗上電視.
不過我就好想睇啦.. =]
行左一陣, 三條友都話想走, 就同軒姐講聲. 然後又系我地三條友去食大家樂,
三條友要左吾同既飯, 張泰極速食曬, 但因我既飯太熱, 羅幫太飽, 食左好耐..
8月3日要番學校註冊, 番到屋企附近, 比羅幫一提之下一言警醒—
又吾記得攞書單… 完全無奈, 連佢都…
事後Ivy同我攞書單比我, 救世主~ 我愛你~
8月8日, 同芬、軒姐去流浮山下白泥鈞魚.
鈎魚又真系幾好玩~ 我地吾識鈎,但好彩旁邊有D鈎魚人(路人)肯教我地.
開頭吾識何如把魚絲掉出去, 就問隔離既哥哥仔, 跟住就識左, 為左不再麻煩人地, 就換左個池,
由於第二個池就在我地身後, 有時我忘記放線、軒姐掉魚絲出去時又把魚利弄飛走... 個哥哥都怕左我地... =="
在我地遇到麻煩時, 如:不小心把魚勾勾住個魚網、條魚線又不小心飛左出去,
好采身邊既叔叔肯救我地.
個叔叔系一家大小先玩的, 好幸福~ 叔叔既仔, 平均每五分鐘就鈎到一條魚..
而我地又把魚吃完魚利才發覺魚已經走了.. 只鈎到兩個魚..
我地抱住永不言敗、屢敗屢戰同屢戰屢敗既精神.
正所謂「願者上釣」, 它們不願上釣, 我都耐佢地不何,
個細路真系平均五分鐘至十分鐘就鈎到一條魚, 佢地個籃都裝吾曬...
而且我地既魚利用生蝦, 魚魚都食到厭啦,
仲有, D生蝦放中池裏, 過幾十分鐘後, 係紅色的..
D生蝦都熟左.. 發現時3人一齊O左.. =^="""
到到差吾多5點左右就還番魚杆比個度店既姨姨就走.
在小巴上我勁想嘔, 但我忍、忍、忍!
安全到達輕鐵站~
乘輕鐵個陣, 我地3個都累到訓着左…
之後Ivy同我攞書單比左我後, 芬就同有兩日一齊去「學友書店」買店.
個度d新書86折, 幾抵丫~
吾似羅幫要四千幾蚊!! 張泰要一千幾喳~ 勁平啊~
然後我8月19日至20日去左澳門Macau,
「澳門之遊」就遲d先打啦~ 睇住咁多先啦~
|
