今年呢，發生左好多事，做學生既吾一定就只有學業既煩惱既~~
1月
由 1月講起啦，其實一年前既事都已經吾係好記得啦! 印象中就係上學期既考試，果陣冇手機用，最最記得就係冇帶鎖匙又冇電話既情況下係佐敦迷路左兩個幾鐘。當時就既目的地就正正係九龍公園(所以我成日話我自 己同九龍公園有仇咁話，知情人應該知道點解啦... -,-) 除此之外1月就係同左幾個新識既Fd搭fd識翻黎既fd去左食飯囉~
2月
到 2月，(2月我做過D乜野?)直飛到農曆新年算，大年初一同大家姐去左食pizza hut， 呢個我真係記得架，翻到屋企就比阿媽問點解出街食，我地就話去慶祝農曆新年囉~~ 然後呢，好似有人翻左鄉下，自己每日都好無聊咁過，最後就sent左25條msg比果位翻左大陸既人兄...(我想問，一開機果陣佢部電話有冇輕機呀?我 真係好想知道...)
3月
3月...冇咩記憶自己做過D乜咁…
4月
4 月，嘩，呢個月就多野講啦!我由三月就望到頸都長埋先到4月，事關4月可以翻鄉下~~翻鄉下呢個吾係重點，重點係可以同靚仔一齊翻! 記得我第一次見到KK就有好神奇既感覺~12月個果陣見過佢地一次，果次當我去打開門果陣，我第一次見到有人識得發光，好似睇動漫咁~~(絕無誇張!!) 翻黎香港當然要提下本姑娘既生日啦，11號果晚我好緊張咁，因為我係第一次翻學日子過生日，我每次都係復活節假過生日既~~翻到學校，竟然有人同我講生日 快樂喔!我其實冇唸過我D同學會記得我生日架…然後蝦米一干人等就過黎同我講生日快樂，搞到我好興奮，因為我已經知道禮物係乜野…係渡瀨悠宇老師既《革神 語》漫畫呀!!我已經恨左成幾年啦，終於可以比我恨到啦!!~~然後就食完金莎翻屋企...(呢個係我第一次生日冇行街反而直接翻屋企既生日...)
5月
5月，一個極度超恐怖既月份，每個星期都係Test住咁過…住事不堪回首月明中呀，唉…
6月
6 月，可愛的考試話咁快就到啦…8號果日呢，我吾記得左係阿Wu生日，唉，同佢講聲生日快樂就算啦，雖然良心好過意吾去。但係我冇唸過考完朝早第一個試後 佢同我講:“死啦，都係你果句生日快樂搞到我計吾曬...”(大佬，乜呢樣可以賴人架咩-,-再者，前日我已經同你講曬可以溫邊度啦~~ 而且仲全部貼中題添!!)
之後就咁樣考完左個期末試囉!成績都幾令自己滿意，最開心係PE冇再係尾二啦，我跳左去尾二十呀!yeah!而且我 history條Essay係20分入面羅到17分呀!簡直係，喜出望外! 考曬試，派曬卷後我就煩緊個暑期啦...
7月
7 月，聽講已經有兩個同學搵到間旺角甜品店既工，而且人工高福利好。搞到我地呢一班友仔都心郁郁咁，終於係放左暑假冇幾耐既一日，我收到蝦米既電話佢話已經 搵到奧海城KFC既工，我就同佢講話"咁我都要去搵工做!!" 過左三日後我地就開始我地既搵工大計，去左奧海城太子旺角。去到旺角朗豪坊附近既788定吾知叫688 既大廈，唸住話見下pizza hut啦，(其實係因為我覺得果度會有好多靚仔)點知填完表後，個男仔同我講話個經理出緊黎..!囧，係我完全冇準備下面試囉...叫我自我介紹(呢個合 理)，d問題先至羅我命，我連考試都冇咁驚呀…佢問我，“知吾知道呢個工作係做咩?”，“其實你仲細個，中四十六歲咁，你屋企人擔吾擔心架?”，“雖然話 我 地有輪班制度姐，但係你有時候都要十二點先可以放工喎，你又女仔一個...(個經理真係…= =…)”,“你又要翻學，你點樣分配時間?”(我點做關你咩事?只要我翻到工你就吾洗理我啦...)然後我當然係超有禮貌咁回答佢既所有問題啦，不過佢到 最後係張紙度畫左一斜(吾知係剔定係叉呢?!!)
然後反正到左雅蘭附近就順便見埋大家樂囉。一去到就同收銀員講“吾該我請 問呢度請吾請兼職?” 然後就比左張表比我填，(題外話:點解我覺得自似打日記架??咁長?!) 等左好耐，見工啦，呢個問D問題正常好多… 然後佢同我講“咁你最快可以幾時翻工呀?”呢句係我成日係電視劇見到既果一句呀!之後就用電視劇既對白“我聽日就可以翻工架啦” 就係咁樣我就見完工，星期一翻工lu~~ 其實一開始翻工果陣超驚架，怕做錯咩就比人罵，可能係聽我家姐講麥記既人好衰格咁，搞到我戰戰兢兢咁。但係翻左一星期後就好開心啦，佢地都對我好好咁。雪 梨姐仲周圍同人地講話“呢個係我既女呀，要好好照顧佢”...開頭果陣就好，但係越翻我工時就越長，好赲，每日最想快快翻屋企訓覺。完全係翻工等放工，放 工等放假。然而我每日要企成十個鐘頭，真係吾係講笑，好累架…而且又吾可以落錯單喎，要知道一落錯，死梗...
8月
8月1號，果日一齊同芬去動漫展(因為有人可以帶我免費入場, 又免排隊)所以就咁去左，今年動漫節冇乜特別，吾係好好玩..
講 到翻工都吾係吾開心既...首先我講廚房阿超，佢係我第一個問我叫咩名既人呀…每當我去叫早餐既時候，我都未出聲，佢已經叫廚房整一碟蕃茄通，搞完杯凍咖 啡啦…真係好記性...(但係邊有人真係飲凍咖啡飲成兩個月架，拜託...我都想飲其他架!!唉…但係又吾好意思...)
跟住到帶我既收銀阿姨雪梨姐，嘩，佢真係好好人架，仲同我寫埋貓紙。我都只係開始翻工吾夠一星期就比我去打機，話叫我認下機制位…
(我冇理由逐個逐個員工介紹架?!我直接飛啦!)
燈燈燈登，到最靚仔果個靚仔哥哥啦!佢個樣又似下一站幸福造型既吳建豪!超靚仔!叫萍哥，我吾介意你地去見識下佢既英姿既~~佢都好好人架，有時候我自己收少錢，計吾掂條數都係佢幫我去填翻錢...
其實我暑假最最最最最最開心既時刻就係同Fd去屋企鎚Dee架啦，真係好hapi囉!!呢個暑假都影左吾少相呀~(偷影)
果次暑假介紹左李WC小姐去奧海城石灘，我完全冇唸過佢會咁高分具尖叫，搞到我好有成功感 -v-
9月
眨 下眼又到9月，翻學囉，係8月29號我就請左3日假係屋企衝埋功課佢...中秋節果日22號打算叫佢地(大約十人左右，省略人名，太多人)去cafe玩 既，點知cafe未開門，咁又轉左去麥記無聊...30號就大家(6個人)去左土屋傾計，其實係講某老師的是非傾左2個鐘，途中我發覺個店務員好無奈 -,-
10月
10冇乜特別喎，事關31號萬聖節係星期日...
11月
11 月就要講11號啦，除左係學校旅行好無聊外都有其他既，就係 night du sama (夜大人)的生日嘛!當日我去完旅行搭搭到想死之後終於翻到黎油麻地啦!!由於八達通冇咩錢，就慢慢行翻屋企啦…行下行下就翻到去QES，然後遠處比我見 到個符合曬我要搵model既人，突然我電話響起(難得吾係震機呀!)係可愛的 karen陳小姐打黎，問，“今日night生日呀，我地打算係海港城食蛋糕呀，你黎吾黎呀?”轉眼見到個男仔已經行得好遠咁，我就問“我冇禮物喎”嘉文 小姐話“咁你最好宜家去打劫翻黎!”我話“我眼前有個好似黃曉明既男仔，咁我洗吾洗去扑暈佢再進貢比night大人!?”“你做到就最好啦!”我就咁就搭 車去 海港城食左個好好好好超好味既士多啤利雪糕啦!!(真係好好味!!)過左幾日後，我覺得個男仔真係十年難得一遇又符合我條件既人，我就叫曬我所有QE既人 幫我去搵啦，竟然，皇天不負有心人啦，比我搵到佢呀!但係佢話吾想do，咁我就只有兩條路行，一就係繼續搵，再搵吾到就要行第二條路。就係轉造女裝，但係 我又吾想...有冇人可以教我點做呀?
12月
12月，天氣仲好熱，今年我真係覺得可能過一個好熱既聖誕節...
話說聖誕節果日睇借物少女, 一般般啦...最神奇係我同人聖誕節去行TST既HK藝術館, 一入個文物館, 係冇其他人, 成個館得我地2個人, 而且又對住d文物(死人遺物)就feel到陣陣寒意...(打冷震)
總結
總之呢, 呢一年我都覺得好開心...
同fd既關係人好左,eg, 蝦米,李WC, Ivy, KS, Karen C.,Cherry, 雪華BB...
小學同學都冇忘記到, eg, 芬,杰少, 軒姐, 幫, 為, 泰, 寧dee, 銘哥, Lam...
可以識多左好多人, eg, Ivan M., 翁麗, ... 好多搭翻黎既
希望下年都可以好好咁過啦~
照舊《活在當下》!!~
