今日都係只係上3堂英文堂,上堂個陣都一路聽書一路係笑聲渡過!!

放學了,我同妙麗+埋阿達留左係蘇屋同妙麗周圍影相!!

今次影左好多相,起馬有成千張,有幾張我仲好鐘意!!

影到5點到,就返屋企了!!

返到寶林,妙麗趕時間走先,因為我行得太慢....跟住見到小學同學崔波,好耐冇見過佢!!

今日返去上英文堂,都冇咩事發生!!

到左食午,又係留係學校同妙麗佢地食飯盒杯面!!

食完之後,同妙麗,馬份,維維bb,simon,肥佬玩數字,後來肥牛同阿賢+入,本來都好有信心去玩,點知玩輸左,懲罰係要係課室,對住全班大叫我係傻仔.....真係慘.....

到左ITA堂,終於要公報測驗成績了,初頭見到自己8分都好開心,因為都估自己得一 二分,但係唔合格要做個141題既練習,有50%合格先可以補測,但係如果補測唔合格,ITA就全科唔合格.....

見到咁,真係燥燥地......真係好想臭罵個2個豬腦老師!!正豬腦來,我地測驗都唔合格,仲叫我地做141題合格先可以補測,真係仆街來假,真係好想沖出去打佢!!

但係見到,自己都灰哂.....補測唔合梧就全科都唔合格...咁姐係退得學假啦...嘩嘩!!我唔想咁快走......我阿媽一定打死我.....但係我真係唔明個2個豬腦老師講咩,仲要係英文....唉....冇計啦...唯有E 2個星期盡力溫啦....唔合格都冇計..唯有走...

23/10就係我死期..

足足唔開心左成堂..好才都被妙麗佢地既歡樂氣紛感染,都回複返精神!!!

放左學,同妙麗,馬份,阿達,ET一齊走中文補課!!

跟住部妙麗去尖沙咀佢部相機!!一直都對D專業相機好有興趣,今次真大開眼界!!

跟住搭MTR返新都,去左惠康入杯面貨,行到5點就返左屋企啦!!

好煩!!!燥燥地!!!

今日唔洗返學又冇人約,所以訓到1點先起身!!

點知一起身,就見到舅母隻狗!食左陣野,mother同father出街,搞到我要留係屋企睇狗!

好才隻死狗冇費我,如果唔係我斬左佢來食!!

係屋企無無聊聊,同隻狗係屋企睇琴日租返來既(穿越時空的少女)!!

唔錯,好好睇!!我一定要買隻碟!!

睇到3點幾,又係無無聊聊訓左係廳同隻狗鬥望!!

睇狗睇到5點幾,mother終於返來啦!!我就即克走左出去還碟同買野食!!!

夜晚11點幾同左火山龍,肥婆華,肥蘇出左去食糖水!!食到1點到就返左屋企啦!!

今日返12點30,唔洗咁早起身,不過起身個陣都係好眼訓....

又差d遲到啦,可能我真係行得太慢啦.....

今日只係想3個鐘既英文堂,不過都好過想2個鐘既電腦堂...

上完充實既英文堂後,同左妙麗,維維bb,榮恩,阿達,阿賢落左球場打波!!

我都唔係好識打,都係落場搞笑下玩下,不過因為太熱啦,打左一陣到,就走人啦!!

跟住部左維維bb去旺角買衫!!不過得佢買我冇得買....因為我冇錢...!行完潮特再去左朗豪坊睇衫...嘩嘩!!話是話都係第一次去朗豪坊睇衫,平時都係去個到睇下戲,因為d衫同d牌子我永遠都係接觸唔到.....

行到6點幾就走人了!!!