今日過得好漫長...........
上中文堂勁好笑,miss Wong叫人答問題,答岩左可以點其他人答..
佢見個個人都答都唔錯,但係俾佢睇到吳嘉盛係到訓覺,但又唔肯定
佢係咪叫吳嘉盛,於是佢問:[呢班係咪有個人叫吳嘉盛?]..
點知吳嘉盛好大聲咁講:[冇呢個人],跟住Miss就拎左張
人名表睇係咪冇呢個人,佢睇完之後就大聲鬧佢,然後佢又叫吳嘉盛
答問題,跟住佢死死氣地先企起身黎,miss知道佢係到玩野之後玩番佢
轉頭..話佢:[你唔係吳嘉盛,點解企起身答問題],我地勁大聲笑佢..
跟住佢又講:[如果你唔想人地嗌你吳嘉盛,不如叫吳小明],我地聽到之後
笑得仲大聲....
到左反思時間,我地都傾得好開心....
但係就係呢個moment,危機一步一步的逼近..
一個熟悉的身影係我果班出現--鄭建玲...
佢手上拎住一大疊今日收的反思紙,佢話改左幾本就已經嘔曬血,
所以要我地重作60句句子,有3個人特別D,要作100句..仲要係5點9之前交
跟住佢會黎收,我地聽到之後勁無奈,唯有死死氣地做..
好多人都冇字典,周圍去問人借..我地由放學做到差唔多6點,之後佢先入來
我地都唸住佢係黎收,點知佢話今日到此為此,份野可以聽日先交..
我地都一致講左一句:[妖..,趕餐死佢先話唔洗交住ｏ]
|
