很久沒有打日記了。每一天, 都想不到有些什麼可以記下來, 開心的當然有時很想把它擇下來, 卻礙於沒有時間和懶, 但是那些不快樂的回憶, 有時寫出來之後很害怕會有什麼事發生。這個月來, 我發覺, 與其將這些開心, 不開心的事記下日記中, 倒不如直接跟朋友說, 那種有interation的感覺真實一點, close一點, 傾完之後, 總覺得有一種窩心的感覺。我好像很久沒試過有人陪我這樣傾計, 好像很久沒有和朋友間有這種互動了。

現在我的腦子裡, 混合著很多不同的東西, 如同一堆亂草堆放在腦子裡, 應該去想些什麼, 做什麼, 都是不由自主.... 實在很久沒有靜下來真真正正的思想..... 我都唔知自己而家究竟做緊d咩...

其實, 我一直很想成為一個好像stephy在獨家試愛中一樣的女孩子, 總覺得這種傻氣的, 又帶一點爽朗的性格很可愛, 如果我可以像她一樣就好了, 這樣會可愛一點... 我想做一個可愛的女孩子..... 但我自己一點也不覺得自己可愛....

唉~ 有無人可以令我過得愉快一點........

輕鬆d可以麼............. 我好累喇!

整整一個月沒有寫日記了! 一整個月前應該是剛剛出place, 現在placement只剩下兩星期!

整整一個月, 每天的行程都是standard中的standard, 白天6:45起床, 坐巴士或者是小巴到中環, 然後坐地鐵上柴灣, 再轉小巴, 放place就點poly, 然後11:00多才回家, 很累, 很悶, 很死板, 心情很糟的想要人陪出街, 但是身邊有太多工作堆積起來, 只能夠逃避, 可是每天都被人提醒有很多功課要做, 不要只顧玩, 聽得多實在太辛苦了, 我很想透透氣, 起碼能夠讓我癲狂一場吧! 每天不變的生活模式實在讓我受不了~

面對著一大堆茫無頭緒的功課, 實在覺得是一場惡夢很想快快完成它們, 但是哪來動力呢~? 難得的假日要我拿來做功課我真的不甘心......

我真的太懶.......... 但真的很累........ 整個人都變得死死氣的.......

快要畢業了, 現在最常討論的是找什麼工

我的意向一向都明確, 就是要在醫院工作, 我非常喜歡對著病人, 為他們服務我覺得很有滿足感, 我很期待有一天, 會真真正正有個病人跟我說多謝或者唔該, 有一天我真真正正和病人說話, 叫他們開心些, 樂觀些, 我很希望可以給予鼓勵~

但是, 我現在常常回想, 假如不是因為我表姐是護士, 我會揀RT讀嗎? 我覺得自己一直只是因為家族中已經有個護士, 所以我不想重覆工作。回想起來, 我覺得自己太傻了一點, 其實又有什麼好介意...... 我的理想是去serve病人, 但是, RT似乎不是真的能夠令我達到這個理想.... 我記得當初INTERVIEW, MARIA問:你會點樣對D病人? 我的ANS是: 我有空會上瘺房探佢地 MARIA有問: 你有時間咩? 我的答案是: 時間係自己製造出黎, 好似放工, LUNCH咁, 我可以去探佢地...... 其實這番對話, RT中有人真的會這樣做麻? 我回答時其實把自己當作醫生了, 我想只有醫生和社工才有可能這樣做吧! RT的PHER會這樣做嗎? 我當了pher會這樣做嗎?

有這麼多RECRUITMENT TALK, 就業XX 的東東, 全部都是很商業的, 不適合我, 政府的, 除了救護員和air traffic control offcier比較有興趣之外, 我已找不到我想做的工作了~ 就剩下pher了...... pher.... 可以成為一個病人的照顧者和治療者嗎? 如果被定位成一個醫生+護士+治療的混合體就好了~

今日個胃好痛, 坐車去pw o既時候, 一路坐一路痛, 於是, 叫aska買野俾我食, aska又叫cto買俾我, 點知搞到cto跌左部手提, sorry!

去到pw做lab真係有幾下痛到唔想行, 結果勞動到physicist攸左粒胃藥我, 但係我無機會同佢講唔該!

之後做完lab, 發現好似一d好轉都無, 飲完一杯凍水黎送藥之後, 佢就不定係咁抽下抽下, 最後raymond就幫我打電話問poly clinic仲有得睇醫生, 點知無~ thank you raymond!

咁算喇, 見都係不時咁抽下抽下, 覺得應該食下野就無事, 於是, cto, aska同我就出左去旺角, 原來係諗住同aska出去配眼鏡, 點知出到去第一件事係食野, 食野個胃一樣咁痛, 最後, 係旺角係咁周圍行去搵醫生睇, 咁就勞動到cto同aska幫我拎袋! 最後睇完醫生, 話我過左時間食早餐, 所以有胃酸stimulate到個胃, 有d胃炎..... 開左d胃藥之類咁, 好似好左d, 咁先去同aska配眼鏡~ burberry眼鏡, 幾型啊~

然後, 今晚, 諗住食過藥會好d, 但係沖沖下涼, 一d大動作又痛過~ 仲唔知點解好累~ 諗住食完反(媽媽特登煮粥我食!)睇一陣惡作劇之吻, 但係爭d睇到訓著左, 最後頂唔順走左入房抖

截至呢一刻, 都係痛~ 好似d藥一d用都無咁....... 希望聽日無事!