今日如常好晏先起身，所以唔知醒，無去到補EcOn，

算啦，佢都教得唔好既，晒錢就晒錢啦，

食下野，睇下電視咁就出左去補MaThS啦，

好正呀，有07年會考內幕貼士，我諗一定會出既.......kaka^^"

我決定要繼續補佢呀，補得唔錯丫，貼題先係最重要呀。

補完之後返歸LU

今朝同欣一齊返學^^
今日補EcOn，都過得幾快丫，
不過比佢睇死我地，有D唔鋸，
break果陣食下野，傾下計就完左啦！
本來12點半放嫁，點知1點先放人。
好彩補補下打左比婷，唔洗佢久等。

返屋企食完飯，換完衫就出黎啦，
同婷&佢細佬出MK，一出到去就陪佢細佬睇波衫，
睇左好耐，佢都睇唔岩，
當佢睇岩既時候，又無佢碼=.=
之後去左旺中，同婷買左條褲，
跟住發生小小意外，唉.........
之後又去返波鞋街=0=佢細佬又繼續睇，
行行下見到間書店又有past paper，
咁就入左去睇，d書又扺又新，所以買左三本地理past paper，
哈哈，我唔可以衰比miss 袁睇嫁，所以要加油呀^^"
買完又去返旺中，佢細佬好唔開心呀，因為買唔到，
跟住同婷買多件衫，買完就返黎lu......

P.S: 可惡呀，真係愈黎愈憎佢LOR.....
       我知你憎我呀，不過你可以光明正大咁講嫁，唔洗暗示啵，
       仲有呀﹐我地好唔好返都好似唔關你事WOR，
       你無必要為我地操心丫，不過我都知你勁唔想我地好返嫁啦，
       因為你做咁多野都係想我地咬交，係唔係呀？
       真係要講聲唔好意思啦，我地都唔係咁易比你拆散嫁啦，
       你愈係想我地嘈，我地既關係就會愈黎愈好，
       你吹得我脹咩？你咪慢慢繼續憎我，講下我壞話LOR。
       我真係唔阻你啦，睇下到時D人憎邊個。

------發洩完畢--------

今朝本來去畫室嫁，但係因為婷唔得閒，

所以無去到。整日都係屋企，

整下個日記、食下野、做下功課咁就一日啦。

仲有好多功課呀！點算呀??

今朝唔捨得起身呀，賴左好耐床=0=

婷打黎我先肯離開張床，

1點幾先出去補習，去到荃灣己經好晏啦，

遲晒大到，原來Derek都好淫，

隔離果個人係男仔，搞到我唔知點好><

補到3點走人，返黎TM搵婷，

係柏麗果樹見到奶媽同萃芯，同萃芯傾左耐計，

之後去左畫室，哈哈，由於畫室下面爆晒，所以去左上面畫，

好正，上面好少人，又唔洗驚阿SIR成日望住晒。^^"

畫到7點幾，有人話好肚餓，去左買杯麵食，

諗住搵位果陣，見到某人....唉.....

真係唔想上去，但係佢地又要我地上去，

本來己經下定決心唔再上去嫁啦，點知........

傾左陣計，FEEL到阿SIR唔多LIIKE我。

算把啦，今次一定唔係我多心，係事實。

食完走佬，同婷傾左一陣，多謝你聽我訴苦，

原來都係我多心，希望我唔好再諗咁多啦，

不過我真係好想繼績維持果段友誼。

之後返歸LU.........返到黎同珍婆傾左一陣計呀^^

今日婷生日呀，可惡呀，電腦個鐘都唔準既，

搞到我做唔到第一個講生日快樂既人><

不過唔緊要啦，我係電話入面講左先嫁。

今朝晨咁早就起左身啦，因為要整PIZZA呀，

極之好運lor，臨出門口果陣收到個電話><

原來係miss Tam ，佢叫我1點之內返去=0=

我話左要補習，佢又要我抽時間返去。

我plan好晒啦，點抽時間呀，仲要我著校服返去。

之後唔理佢就落左街買pizza d材料lu。

買左一陣，阿媽打我手提，佢話考師叫我返去補課><

miss袁仲同我阿媽講地理好重要，叫我返去補課，

彩佢都傻啦，好彩阿媽都無罵我，因為事實上佢教得唔好丫ma。

大家試諗下丫，如果佢教得好既話就唔會有咁多人唔返啦，

隔左一陣，meko打我手提，miss袁都係岩岩打過比佢，

meko更係同我一樣唔理佢啦^^"彩佢都傻呀。

因為我返親去一定死更，一方面比miss Tam罵，另一方面比miss 袁罵。

我仲返咩？我返左去一定傻左。

買完野返左屋企，比阿媽"哦"左一陣，之後整pizza lu。

同珍婆整到1點鐘到整完，之後立即去買蛋糕，

買完去左美食廣場，係咁叫欣洗開婷，

幾經成功佢先走開左，佢一返到黎就見到我地啦，

d pizza好似唔係咁好食><食完又繼續我既計劃，

初頭我扮野叫佢地陪我買書，行行下又話唔想買，哈哈

跟住提議去唱k，成功左啦，去到greenbox我話識人係入面做，

唔洗去登記，之後婷入到去見到meko同hch都幾驚訝。

後尾浩賢、嘉賢、阿龍同日東黎埋，唱得幾開心丫，

之後唱到7點幾就走人lu，去左影貼紙相，

影完就返歸lu..........