くくｉｒｏｎ－ｍａｎ＞＞自然係今個星期既話題唔好意思女人無份

亦好老實ｈｋ女７０％都未必一定有興趣是我前幾日刮到優先場飛

講返個日行程因為知道無劃位呢Ｄ情況九成會出現｛人口爆發｝現象（＊註一）

所以一早７點幾就去左睇環境有人問優先場９點３０先開咁早去把托咩

原因係．．．一間戲院真正令人睇得開心既位只有１６－２４個就係

正中間既位過左個範圍就無哂臨場感動作片多數會打個折扣尤其

是咁期待呢套片既我當然唔想上山頂位啦

結果係戲院側食住等８點半有人黎排我地一行４人就即時擺陣果然半小時內

前面４個人變左１ｘ個人出黎．．．前後等左差唔多一個鍾就入場

不過入場要搜身怕我地入場拍Ｄ珍貴鏡頭當初好反感但後來就覺得呢個

做法好好　好似真係小左Ｄｄｊ（＊註二）同大忙人（＊註三）既出現

成年喇！第一次可以靜靜地睇戲咋陰公！

註１：｛人口爆發｝

        香港人好醒識得用霸位呢個绝技簡單黎講就係老點Ｄ人幫手排住先到差唔多

        時間就攝攝攝攝我稱為｛人口爆發｝

註２：｛ｄｊ｝

        唔知點解Ｄ人好中詫為電影做旁白仲講得比電影更深入好彩呢次冇

註３：｛大忙人｝

        唔知係咪香港人生活急速＋資訊發達導致完全唔可以同外界有一刻失去聯絡

        仲怕自己睇得太投入唔可以熄聲！結果一場電影之間響聲此起彼落而每一ｃａｌｌ

        開頸都係｛喂？我睇緊戲呀！．．．係呀！睇緊呀！係呀．．．．｝今次就收哂電話．．．