今日係第 3 日翻學。

可能因為尋日好夜訓，

所以今朝就非常之眼訓，

唔想起身。

但係今日就唔需要禁早翻。

Gigi 聽日就生日啦！

所以我就係出門口之前，

就裸埋我買比佢既禮物，

等約埋一齊翻學既時候就送比佢。

我地大約 8:25 翻到學校。

一入到課室，

就見到好多人係裡面啦？！

我地就搵個位坐低。

無幾耐，

個 leader 就入左黎啦！

佢話今日係最悶既一日，

因為要陪果 D 同學仔睇片寫筆記。

足足做呢樣野都要 3 粒鐘。

就算係好有耐性既人，

都無辦法頂得住。

個 leader 話可以搵個唔需要幫手既人換一換場。

一係就頂 1 粒鐘，

跟住就比人頂 2 粒鐘。

一係就頂 2 粒鐘，

跟住比人頂 1 粒鐘。

一係就比人頂哂 3 粒鐘。

我其實就唔想聽果個陳老師講野。

但係始終我陪 D 同學仔 1 粒鐘，

其實我覺得自己有 D 衰，

因為我搵左個男仔同我換一換場。

我淨係同佢講一講，

佢就即刻幫我啦？！

我仲叫佢換我 2 粒鐘。

我覺得自己有 D 哀，

因為我都唔係好累，

就要叫人換一換場。

我仲要叫佢幫我頂 2 粒鐘。

今次真係要唔該哂你啦？！

跟住做完呢個活動之後，

我地就食 lunch 。

食完 lunch ，

我地就各自去唔同既組別練習。

因為聽日就有個天才表演。

仲有一樣很唔中意既事，

就係我今日終於知道自己讀咩班。

我以為我呢個敢樣既成績可以入到 A 班，

點知希望愈大，

失望就愈大。

我之前問左一個老師。

佢都話如果我地係係全級 40 名以內，

就好大機會入 A 班。

最後既結果原來打散左。

連一 D 成績係 100 名以外既人，

都可以入 A 班。

真係荒謬！！！！