逢星期三既朝早我都會去買定午餐

因為上完一個熱辣辣既ｐｅ堂仲要食一個熱辣辣既飯盒

我實在受唔住啦

今日我入到王ｘｘ班房

一個原３ｃ既人都冇

好怪的說

不過我照樣入去

入面有泠氣嘆嘛＠＠！

一答２就番上課室

但係又冇泠氣喎！

英文堂真係好突然

因為今日（吾惠）冇番

黎左個英文科主任，即係ｆ２教Reading果個

個（吾惠）原來交左ｄ（身後事）俾我地

要做剪報，睇佢個款好似要我地轉句式

但係我唔識轉

加上人人都話題目話就咁抄落去

我咪抄囉，希望聽日又唔好有咩事啦

唔經唔覺好快到通識灶啦

星期３既通識堂意味著等等就要上ｐｅ！

我地成堂係到睇片

睇基本法個ｄ！

如果日日都可以睇片就正！之後ｐｅ堂啦

由於３樓滿人

去左２樓換

突然，地下多左好多濕紙巾

原來係外面有班賤人專登扔的

不過，佢地冇一次扔中我！

好ｋａｉ的說！

出到去

真係俾我估中左

又係個舊死肥仔

姓張的，３ｃ班的

佢仲係到沾ｄ濕紙巾扔落天花板！

冇得救既渣滓！

落到去，（任建）帶，話要打排球

佢又話佢係打排球出身＝　＝

又係同番果個人打啦

同佢一齊真係辛苦

之後唔打，跑圈好過！

食飯啦，番到課室

得呀Duck Duck係到！

我一入到去就禁下個泠氣

即卡有

真係唔明點解ｄ人唔成日禁下個泠氣制！

食完野，再嘆多陣

就落去圖書館到

開會啦，嘩

好多ｆ６既加仕左

當然，呢ｄ都應該係轉校的！

成個會既內容可以話完全可理可唔理＝　＝

成個午時既時間就係咁哂左！

英文堂，另一個人來

代課老師來的！

冇咩特別事發生

數學堂，又要上一堂唔識既堂

叫到人人到做得到

面我又做唔到

心裡又有一陣唔舒暢既感覺

番屋企，真係好累

不過多左咁多時間真係好

原來近派做緊Melody!

又睇keroro

每次睇佢，最搞野都係kururu！

又好多笑料都係佢搞的

聽日又要上英文堂啦

美好既時光就係咁過左去

講番今日

其實今日有好有唔好

唔好當然就ｐｅ啦

好既就係有３堂係空堂，唔洗上

周不時咁樣都幾好呀

俾個機會我地鬆下！

呀爸岩岩番來

又係大陸買左ｄ電器番來＝　＝

一個小型喇叭

佢話攞來番工聽喎＝　＝

仲有ｉｐｏｄ＝　＝（好平架炸）

我心諗，係咪真係用得著呀！

我個呀爸就係咁

平時番完大陸就係買呢ｄ野番來

情況好似我們這一家既花生咁＝　＝

唔知你地既呀爸又係咪咁呢？

呢派唔知點解好多雲

見唔到太陽

最慘就係唔見藍天

即係今日幸運既來源冇左

今朝ｍ記比星期５少左ｄ人

好快就買到

順便買埋自己個份

自己上車，番到學校

又有大班風紀係到看門口

今日唔洗企，真係美好！

物理堂，派測驗卷啦

緊張時刻又來啦，又要面對現實

我份卷好耐先叫我

係咪愈後愈差呢

好彩！我２１分／３８

總算合格！

落堂時，老師話俾我同艾爾聽

話觀星ｃａｍｐ我地可以去

真係好開心

數學，班主任去左多餘智能ｃａｍｐ

換左個姓藍既代課老師

呢課函數好難，最糟既係呢個老師唔識教

通常代課老師都係咁，之前都預左

好難明呀，唔識呀！

英文堂，經過老師既邁解

終於知到煲呔加ｓ事件邊個岩邊個錯

誧識堂，測驗啦！

仲要做即時評論！

估唔到測驗篇文係第一份即時評論既文

換句話說姐係我地做功課做過

不過，我事前都唔知，冇特別睇番個到

只可以憑少許記憶做番！

做完啦，都寫左好多行

今日成個班房都好混亂

冇王管嘛！

不過都玩得幾開心

前面個ｗｉｎｇ同陳姓同學玩得好癲！

活像一對感情好好既．．．．．．

因為位既問題，我隔離果個坐左去第２度

即係話得番我一個坐

算，話唔定咁仲好

可以直接望下出面養神嘛！

岩岩追完ｗ第７集（最新幪面超人）

好多搞ｇａｇ既情節，同埋ｗ既造型好有型！

已經係我近派每個星期既精神之枉啦！

聽日ｐｅ堂啦

唔想上，呢派又好似話落雨

個天成日好灰，好似想落雨咁

希望聽日落雨啦＞＿＜！

今朝我又如常起身番學

琴晚到今朝開始

左大腿條筋扯住

所以行路唔可以太大步

真係慘

中文堂，那個厭惡的中文老師又要留人堂

通識堂，又溫書，做即時評論個ｄ

聽日測驗，我諗合格機會渺茫

又上經濟堂啦

當然，我即卡交哂ｄ功課

最後老師又玩罰企題

呢題就係一條會考出過

而冇一本教科書講過既題

又分３組

我地一開始由ｗｉｎｇ姐搶答先

再加埋我係隔離講一ｄ

我輕易攞到一分

本來第１組（達達，兔，鄭）都攞到一分

點知俾機關槍重復答案

俾老師扣番分

同第２組（艾爾，光頭）一樣冇分

之後我地ｗｉｎｇ再搶答，又岩左，又有分

緊張時刻（我地組唔洗舉手，玩哂＝　＝）

佢兩組生死搶答

最後第２組答中左

哈哈第一組聽日要罰企啦

食完飯，唔洗趕功課既時刻真係好

突然！ｄ人話要做聆聽簿！我都驚左一跳

我記得淨係要做剪報姐！

我唔理，一路搵人抄

跟住去左陸浩到借

點知一個同英文老師好熟既老師行緊埋黎

我即卡入番班房

好彩陸浩醒目唔見左我都識入黎搵我

我一抄姐

鄭經瀚同達達一齊來抄

我仲以為佢地好純正，做哂功課添＝　＝！

抄呀抄，抄完啦

英文堂啦

原來唔想做的＝　＝

即係岩岩抄餐死＝　＝

最後加埋留堂，成５點半番到

我個多啦ａ夢呀

做左一半！

今日個舅公又來，唉，好嘈！

今晚做宮心計，好好睇＠＠

本來以為富貴門可睇可唔睇

不過睇左陣都幾好睇！！

聽日仲要忙多日

又要幫人買野食

又要測驗，又有功課

唉，我要將聽日既時間交俾神去打理啦！！