雖然話就話番左幾日學
但係頭幾日都係熟習下
講下課程會點呀，上堂規矩等等
呢幾日我都冇打算到美利買飯
因為熱天關係令我冇乜食慾
所以呢幾日既食法係
朝早買定腿蛋治留番下就
朝早食炒麵，講開又講
炒麵減到６蚊，唔知咩事呢？
近派因為朝早訓晏左
遲左出門口
車都多左人啦
番到去
學校臨時整左個帳篷
個個係到排隊攞體溫表
吳校長係到睇門口
隊頭有張副校同訓導主任
我排左去副校條隊
因為副校比較好人ｄ嘛！
佢睇完之後狂叫人：請洗手
冇量個ｄ人要去帳篷到記名同量番
經過洗手盤，我到乖ｄ去洗下啦
因為ｈ１ｎ１真係殺到黎
但係見到ｄ冇良心既人就掂行掂過
心裡諗鬼唔望下一個奶野既係你地！（我係咪好毒＝ ＝？）
行番課室早會
算是幸福了
點都好過下面又曬又企！
數學堂，開始上
因為班主任聲調太．．．唔知點講好
令人心散
好彩我都頂得住
打開書，發覺原來我帶錯書＝ ＝
不過老師冇發現到，有得佢啦
我衣家坐得好後，所以一定要眼鏡
唔係實上唔到堂！
生物啦
好耶，又係李ｘ種教
分位方面，就係坐艾爾後面姐，真係好
佢同我地重溫以前ｄ野
我發覺我ｄ生物冇退步到
午膳，去王ｘｘ班房睇睇
圖書館又想叫我報紙
我緊你推左佢啦
之後好似得林肉賀一個幫手
唉，佢好似帶病在身
真係覺得佢有ｄ慘！
經濟，唉，真係要企係到上堂
當時兔仔都冇帶
但係奇蹟真係出現左
大約企左三４個字到
老師突然興起問問題
話全班都要答
錯左要罰企
我同兔岩就坐，錯左就要罰埋小息
當時老師問揀ａ答案時，得達達同ｘｘ平舉手
其實呢題大家公認為而且好明顯係答案ｂ的
最後我同兔就坐
佢兩個企係到上堂左成堂，慘！
呢個奇蹟，應該就係神蹟
呢個時候心裡真係好想多謝佢
經濟呢科真係幾好玩
默書其實都係要我地默番個意思姐
算係開心咁上左一堂！
班主任課，我地班會係到傾活動
有時我覺得我呢個首席秘書好似個委員咁
即係乜都唔洗做，淨係係到話贊唔贊成，同唔同意等等＝ ＝
因為有時佢地搶住來寫＝ ＝
到出來講野啦
佢地好兩炸人佢有佢講我地好似對空氣講咁
我忍唔住搶兔仔支
爆左句：可唔可以聽下我地講野先呀？
當堂靜哂，然後有人拍左幾下掌聲
我冇諗到會咁
我只係想鴉雀無聲就好了
唔好拍手掌，好似好出位咁
諗番起之前我都試過出來講過ｄ野然又受到熱烈掌聲
諗番起，乜我真係咁出位咩＝ ＝？
放學，唉，又好似平時咁一個放學
又要等第３部車．．．．．．．．．
講到呢到先
不過我發覺我係班裡開始受一ｄ人既歡迎
點解呢？唔想講，總知我覺得就是了！
|
