話咁快聽日就要test啦...

好老實咁講...其實我仲未真係正式開始進入作戰狀態...-,-

不過我諗到test完果一秒我都唔會覺得自己係Test緊架啦.....

成日都hea住過日子....

遲D會後悔!? 咁係遲D既事啦XD

其實我唔係真係想hea架=[.....

只係太多野要煩要理要諗....呢排我可以好肯定我壓力過多=[...

算啦...成績..重要嗎!? 其實重要既只係自己明唔明白....

成績差...唔代表冇讀過書...冇比過心機...冇用....

成績好...唔代表一定有讀過書(有D人係考天才)...唔代表永遠都保持到...

所以...對我而言...成績唔代表一切....

唉...呢排受人影響得太多....

開始變到好情緒化....再係咁落去....

我驚我會再一次嚴重討厭自己=[.....

可惜...現時既我...面對住呢個情況...真係無能為力....

最後補多句:祝大家係黎緊既test入面會拎到好成績/有進步啦=]

真不敢想像沒有你的日子=[

呢排返學日日都好遲好遲....

我都知我好唔應該咁樣....

不過....hea慣左冇得救...-,-

而家朝早連起身返學既動力都冇....

今日好彩落雨唔洗assembly....

如果唔係隻腳實頂唔順...-,-

PE堂...史上最hea既一堂XD (我諗係XD)

係咁比人講我-,-....我唔係呀/_\.....

之後數學....悶悶悶.....冇野好玩-,-......

then中文....有野做XD....

可惜超快做完-,-.....完全聽唔入耳....

直接訓左係張檯度休息...但係佢理都唔理XD

IH堂更hea....所有野都係左耳入右手出.... (即係聽到咩就寫低咩..)

寫哂遲D先睇...因為冇心機聽書XD

冇筆用T_T....多謝你枝筆=]

計埋今日係第3定唔知4日問人借筆用啦....

lunch time同rita食...食完係度做數...做哂岩岩好XD

英文堂好似垂死咁v_v.....

真係好悶...又唔明佢講咩....

最後仲冇lala要我地作文o_o...好多都係抄..-,-

冇數字數就交左lu....我諗應該夠200既=v=....

一返到位好似死左咁...個頭超痛...

眼又痛...就訓左係張檯度...

有一次差D訓著比candy拍醒左....

又有一次係比人嘈醒左...

不過如果真係訓著左都幾慘...

如果一起身成個課室冇哂人關埋燈真係幾恐怖o_o.....

為左唔再訓...都係走啦...順便淋下雨...幾好=]

放學真係好正=]....唔好嬲我呀XD~

返到屋企心情仲係好好....

但係上上下網突然流眼淚....

唔知做咩....琴日都係咁...

係咪因為內心抑壓得太多既關係呢...? 我唔知...

之後要多謝細佬啦XD

而家好凍....隻手冰哂...唔打啦~_~

下雨天了怎麼辦 我好想你=]

2/4-5/4去左旅行...

2/4:

果日真係最失敗既一日....

本來就要去廣州既....連酒店都book好左...

點知...去到羅湖..真係多人多到呢.....

想坐車去....又冇飛賣....

想坐火車去.....條條隊都長到大約有千幾人....不過都照排...

但係好辛苦咁排到一半果陣...我呀爸竟然話唔排....

之後諗住去落馬州會少D人...

點知都係一樣....跟住我呀爸就話:不如返香港..聽日再上過去啦...

因為我地一早買左澳門船票返香港...3個人加埋成6百幾蚊架....

但係都會浪費左今日既交通費同埋時間...聽日都唔會少人得去邊架啦....

所以唯有買去祈福新村既車...再去市橋....

最早只可以買到4點...咁買完就等啦...

到3點9返到去...佢叫人上車...竟然叫緊買2點8果D人上車...

我仲聽到有個人問:咁3點果D架車幾時到呀?

職員答:一陣3點就到架啦~~

但係果陣其實已經3點9........

我呀爸又發火....又話返香港....不過都係冇返到....

最後我地架車4點9先到....5點幾先開車....

9點幾先到祈福......再坐返車出市橋......

食飯先.........再搵酒店.......果陣已經超累........

點知.....間間都冇房..........好彩最後.....都搵到........

上到房仲要等呀爸呀媽沖哂涼先沖得....

沖完都12點幾= =......咁就係第一日啦....好充實......

3/4:

我自己唔知點解好早起左身....

但係呀爸呀媽成10點幾先起身.....

之後去左酒店頂樓飲茶....D野唔好食.......

跟住坐地鐵去廣州......

到左之後去左行街.... (其實我隻腳仲未好返....)

行完去食野....食完又繼續行........

之後去左KFC飲豆漿....幾好飲=].....

跟住又行街......夜晚去左一間入面既食物全部都係有機既地方打邊爐....

真係好健康....之後返到酒店附近....呀爸呀媽又去左飲豆漿....

最後先返酒店休息...今日行左咁耐...隻腳發炎果位超痛...

4/4:

我又好早起左身...呀爸呀媽11點幾先起身....

琴日一早買定飛...準備今日12點7去珠海...

咁都差唔多時間就去左果度等上車...

點知架車竟然早左開....完全唔知....

所以又一次失敗左.......

最後1點7坐下一班車....

到左首先係搵酒店...好正常係搵唔到既...

不過問左好多間之後都好彩搵到....

之後又食野&行街再食野....咁就一日...

返酒店...佢話加一張被要60蚊....

所以唔加...結果令到我呀爸呀媽成晚係度搶被... (我都訓唔到...XD)

5/4:

話咁快就最後一日lu....

一早食完野就去左澳門....

到左放低行李係一個寄放處度...

之後坐英皇果D免費車去英皇...

再行左去大三巴....好多人....

一路周圍行...之後食野...再繼續行多陣...

呀爸見冇野做...就話返香港啦...

原來三體船係快過噴射船!? 我真係唔知...

4日既行程就係咁啦....

其實係成日都行街...

返到香港...隻腳真係完完全全都休息先得啦...

個骨膜...真係唔知佢想點....

希望冇事啦...做功課先啦XD

琴日係Life-wide Learning Day (II) 啦...

真係好無聊....不過講真...一早預左係無聊=v=~

一返到去企左成35分鐘到...真係...估唔到真係要企咁耐...

之後上到去home period...係度玩15/20..變左25/30...再變埋35/40...

後來愈玩愈痴線...唔知點形容...加減乘除1,2,3,4樣樣齊...

傻左~~之後就放la...係度睇12碼同神射手...

睇哂就同jessica借左副羽毛球黎打...

我打得超heaXD....連三估王都冇睇到添....

跟住SA要清場唔比打...就去左睇閃避球....

candy冇lala話好凍...著左4件褸o_o....

到2A打啦...嬴左XD...KL超型XD

再睇多陣閃避球真係好悶...

就去左cover playground...candy係度睇書...我睇波=]

好型呀XD...有D好好笑XD....

之後又到2A玩閃避球...alan hui好慘...最後得返佢一個...

我地班雖然輸左...不過冇所謂啦..最重要都係享受過程姐~~

之後係操場傾計呀..周圍hea呀...比abbie捉左去影相呀XD..

就上左hall睇野...都唔知佢問咩...又唔知D人答咩...XD

又落左去睇人玩閃避球...

之後又上返hall聽歌....有D都算幾好聽既...

有D完全唔知佢地做緊咩....之後一路聽到放學...

再留左一陣...之後去左吉野家...

再去商務...4點陪Rita返學校....

睇羽毛球...幾型呀~...

4點8到由學校走去柴灣睇男C....

去到岩岩開始.......

打得好激烈....好緊張...最後嬴左...

真係恭喜哂~!!跟住同Rita&Cy一齊hea+食飯...

係咁比人講+玩-,-....唉....唔好玩我啦-,-....

8點半先走人....但係9點半到先返到屋企=]

唉...其實琴日真係成日都唔知做緊D咩咁....

有D"咁就一日啦"既感覺...

今日係假期既第一日...9點幾比呀媽morning call嘈醒左...

算...反正我唔介意...我要努力快D做哂D功課~~

因為遲下都幾忙...2/4-5/4要返大陸...6/4要去殯儀館....

7/4要去歷史博物館+科學館...8/4要練班際...

9/4- - - - - >要返學啦= ="

所以....要比心機係今日同聽日做哂起碼3/4或以上既功課...

否則以我既懶惰程度黎睇都幾嚴重啦....=[

呢排心情好憂鬱=v=~ (好似好多煩惱咁..定係自己冇野搵野黎煩呢v_v)

不過冇人睇得出架啦XD

今朝竟然冇左個粉筆盒@@!!

成朝係度走上走落... (差D以為你冇返...嚇死我v_v)

之後都係搵唔到...要借住先....

到唔知8點幾先有人拎返返黎-,-...

之後maths堂...好正呀~

見住mrs chung同mr cheng一齊入黎...

唔知點解有一種好感動既感覺...!?

但係就唔知點解好開心....=]

之後中文堂...黃老師隻眼要做手術....

有個代課老師...開始我+alex+JC諗緊會唔會係靚女...

點知佢一行入黎....可能係我地對佢太大期望...

已經笑哂XD...笑到停唔到...唔知做咩....

加埋alex不斷係度講個老師既野...笑到我差D死XD...

不過我知佢識我係女班長...所以唔敢太過份...=v=||

第一堂點名點左成堂都未點哂....

第二堂講講下投訴信唔知講左咩...

我係唔知佢講咩+我自己已經冇聽佢講野.... (我認我唔係乖學生...T_T)

英文堂教LE....冇咩好講....又係可以冇lala拉開話題所以教左好耐...

comp. lit.之前果個小息先抄哂個bk. report落去....

隻手完全冇停過...之後又陪返candy返課室拎file...

原來sam真係鍾意candy~~ (係都唔洗做到咁明顯呀嘛XD)

又英文堂...比ms fong話我-,-....

其實我已經好左好多...唔係好驚D圖架啦=]

lunch time落左tuck shop同rita一齊食~

之後一返課室~嘩...差唔多成個課室滿哂...

我地班都幾難得會咁多人係度食飯...第一次XD

冇帶IH書返學冇得溫-,-....不過是但啦~反正都預左fail....

中史堂又係好快咁過左~

唯一恐怖既就係冇lala有隻勁大既bee入左黎....

勁耐都唔肯走...我想捉住人...但係左右都係男仔...多謝fiona T_T....

之後maths quiz....死啦...

唔係好識做...千祈唔好fail就得啦T_T....

放學IH quiz一Dquiz既氣氛都冇....

冇老師叫過集隊... (至少我聽唔到有...)

上到去一坐低冇幾耐就話ths clock now is xxxx.....you can start now....

之後15分鐘後就收卷...跟住就返得課室啦....

好多唔識....睇黎唔fail都唔得啦... (同mickey賭左2蚊=v=)

然後本來諗住睇下jessica去唔去睇男C架...

不過我一出到去就見到佢同penny既背影...

追唔到啦...所以返左課室陪candy上去借comp. lit.圖書做bk. report....

係課室打左陣交!? (sam勁大力打中我舊患...好彩而家好似冇咩事姐....)

幫candy作左126個字=]....超快XD

交完功課就走左lu~~係MTR見到Ivy....

之後我部電話終於頂唔順....自動關左機啦~ (因為冇電...0%電XD)

返到屋企都5點9la....

仲諗住落去練琴~算啦...=]