好耐冇打blog lu~

功課都唔算多,但係就煩囉....

打波都幾辛苦下..7點幾先返到屋企仲要趕功課~

趕到慣哂~

琴晚同前晚都要出街食飯,

12點先返到屋企+沖涼,

執好哂d野12點幾先訓得,

搞到今日好眼訓....

而家數學教未知數,

d式真係幾亂下,有時都會諗唔掂....

仲有一星期就test喇,

好似話今次d卷唔易,

唉~只期望合格就算喇....
(我呀媽成日話我要求低.....)

據我所知有d同學都係呢排考試~

大家加油喇~~^^

唔覺唔覺都返左2個幾禮拜學，

講真，我真係覺得呢間學校真係好唔利我，

又唔見我小學果時成日整到傷哂，

另外仲有個訓導主任住係坑口，

估唔到囉~~

下個禮拜開始轉冬令喇，

真係好慘呀!!

3:35先放學，

星期一同三入左籃球隊，

6:30先放學，

咪仲慘過返工!?

另外件衫可以自己揀號碼，

但係就好多都比人揀哂，

又只可以1-15號入面揀，

被逼揀左9號...

我地每人要整2件，

上面仲有自己個英文名，

每件$180呀!!!

唉~

呢排返學真係返到痴哂線，

我搞亂哂d同學名，

想講果個就講左第2個。

仲有黃昏都睇錯讀左黃蜂(痴線!!!)

另外我同我同學傾計果時講左句:

你知唔知坑口之前係有太古架?

我講完都唔知自己係到講緊咩，

其實我係想講:

你知唔知坑口之前係有吉之島架?

唉~咩事呀...

再講講下仲變埋:

你知唔知香港之前係有坑口架?

大家一定會覺得我好有問題，

我諗再係咁落去我實愈黎愈痴線~~

我打完都覺得好無奈...

 今日真係好慘呀，

首先一返到課室就要幫手收簿，

搞到連locker都冇時間開，

其實我間學校根本就係有問題，

有咩可能7:45上得課室，

8點前要開哂locker收哂功課比埋老師架，

個老師仲要超準時囉，

8點岩岩好就行入課室，

反野呀\口/仲要咩都跟足哂規則，

法律都不外乎人情姐~~

好彩我係佢入黎前1秒用完locker，

如果唔係實唔比我用都似呀!!!

之後上完中文堂又即刻行返過自己課室上數學，

點知唔知比邊個推黎推去，

又整到我隻手指同手臂，

仲有條紅痕，

隻手指就「魚」左，

寫到字算好好~~

唉~~點解我成日都整親架...

另外想講既係我呀爸話想搬去港島果邊住，

又唔知搬唔搬好

不過多數搬唔成架喇~~

琴日放學果時未執好d野就比人拉走左，

搞到唔記得帶功課，唉~~

好彩係最後果兩堂姐~

返去做都唔遲- -v

今日5點就去左大埔燒烤，

燒到夜晚11點先返屋企~~

而家岩岩整好哂d野就打blog~~

呢幾日完全唔夠時間休息，

聽日又入東涌，慘~~

 呵-v-唔知你估唔估到我個密碼呢?

不過你睇得到呢篇blog即係估到喇~

在此弓喜一下先(拍手~)

上面果d係廢話黎既,唔洗理~(呢句都係~)

好喇,入正題喇~(又多左句廢話-0-)

今日去左影學生相，

我呀媽原來係想30號先去影，

仲以為佢係想向難度挑戰tim~

本來應承左meimei d 野既，

但係我呀媽話星期一先，

sorry呀~meimei~~

---------------------------------------------

另外講下d功課，

而家都差唔多做哂喇，

係差唔多咋!!

後日就返學lu~

今年個暑假真係閃下閃下就冇左，

但係又有好多值得記念既事，

我諗我唔會唔記得呢個畢業後既暑假~~