3天後的珍惜 ---他和她的事                                                   2009 年 3 月 24 日  星期二       3天唔見佢兼夾唔可以主動搵佢， 更加明白有時係身邊反而唔會咁珍惜。   有時候覺得世事就係好神奇， 起初佢千方百計的入黎屯門搵我，而家反而我千方百計的想係佢身邊。   其實覺得佢好似一個小朋友，唔識表達自己、 鍾意玩、講野唔正經、人地嬲仲扮無知、成日想做好人......... 甚至而家有時候唔太理我、有時仲惡人！ 然而雖然係咁，卻覺得同佢一齊既時間都係好可貴， 雖然有時我還會似一個小女生的去羨慕人地男朋友有幾好， 不過我知道而家一切已經足夠喇。   我喜歡朝頭早一齊起身返工，鍾意食完飯一齊去散下步 鍾意你話我知你去左邊，鍾意你好脾氣， 鍾意你接受我落晒妝，我自己都接受唔到自己既樣， 鍾意你爸爸媽媽唔抗拒我，鍾意你煮野食比我叻， 鍾意你帶我見你朋友、更加鍾意你話我知我地既未來...........   如果呢個係熱戀期既影響，會淡嗎﹖   誰令絕望亦能找得到理想 　誰令樂極忘形都想找個人分享 　無論去到哪裡你若在場 　全個世界都是善良 　竟可忘記了　如何受傷 　待我好　原來愛你比我重要 　陪著你　才能叫我生命炫耀　 誰幸運　找到你便知道 愛會燃燒　停止呼吸 心　想到你都可以跳   ＊小ｍａｎ好幸福，見到阿ｎｉｃｋ成日留言比佢 雖然有時係好簡單既一句，不過睇得出佢好重視你呀！！！