嘩！今日真係曬到癡肺！

又係唔好彩ge，要去果個乜鬼野國情教育中心。

我地（班）今次話就話有得去係因為通識（科）表現好喎！

唉！因為多得個阿sir唔少！！！

我地去到就係企，之後曝曬！（睇升旗禮）

再之後我地就做果d不知所謂ge「健腦操」（曝曬住）。

之後又要學升旗（即係又曬過）。最後就係睇草藥同行石卵路（痛苦）。

Afterthat仲要聽埋訓話先走得！（慘）

今日全程係屋企對住四幅牆，真係人都癲！！！

我今朝悶悶地咁起身，又悶悶地咁洗臉，

然後悶悶地咁食早餐，再悶悶地咁……

（又唔知係邊度看過）總之就成日悶悶地！！！

我費使寫喇！費使搞到你地都悶埋，係咁啦！

哈！我終於跳完樓喇！我講過啦！我今日會去海洋公園玩架麻！

其實我之前去海洋公園果陣，我已經好想好想去玩跳樓機喇！

不過果時唔夠膽，所以咪冇去玩！之後我不知幾後悔啊！

今次都算係一嘗我ge心願。

其實今次我都係覺得海盜船最恐怖！無論玩幾多次都咁驚！

仲有，我今次終於玩到瘋狂過山車喇！

唔知係咪我上次玩過越礦飛車，所以我今次玩瘋狂過山車變得一D都唔驚！