|
本人現在宣佈，由於有ｄ日子冇乜事發生或實在太攰，所以日記會跳嚟寫，不便之處敬請原諒！！今晚同咗呀蕾去旺角行街，大家都有ｄ收獲咁啦！行吓，食飯+吹水眨吓眼就12点啦，同蕾傾計每次一定有ｄ好好笑嘅金句，奈何本人冇乜記性，返到嚟再加上睇咗陣電視(粉紅救兵)先寫嘅關係所以唔記得咗ｄ金句！！今日個同事(八婆)同我講: 呀詩,我同你都差唔多做咗5年啦,但係同期嗰ｄ同事升哂職,好似得返我哋兩個原地踏步咋！我忽然間好似俾人扑咗一吓,醒咗！原來我好似一直冇咁樣諗過！冇用，呢兩個字立刻必咗出嚟！之後冇答佢\就行咗去。五年啦！我所做嘅一切都好似白費！係咪要識篤人，擦鞋，邀功\，踩低人嚟抬高自己ｄ老細先鐘意？安份守己就唔可以原諒！呀蕾講過，福在醜人邊，真嫁！！係咪連我都要做埋呢ｄ人先可以上位！我試過想篤人，但係過晤到自己，我怕，我真係怕，我怕我永遠只可以跟住人後面，唔可以爬頭;我怕，我一停ｄ人就不斷咁走上嚟;付出100≠回報100，而家已經係收入與官職不相稱，幫你做到身水身汗，請我飲啖水都唔得？再加上聽到: 如果要升嘅話，我會升ceci！私相授受。你哋不如一齊去死把啦。滿口仁義道德，背後狼狽為奸，我請你哋怏ｄ仆街啦，真心祝福你哋！
|
