…isyourmama奇遇記…

 

 
 
tyuji45

暱稱: is★you★mama★奇遇記
性別: 女
國家: 香港
MORE...

« June 2026 »
SMTWTFS
123456
78910111213
14151617181920
21222324252627
282930

:: 最新日誌 ::

2006-08-17
單車
學英文呀!!
與小人相處之道
好食


:: 訪客留言 ::

 
最近三個月尚無任何留言


:: 我的好友 ::

 
尚無任何好友


:: 我的連結 ::

尚無任何連結



RSS Feed

又食又玩 愉快

今日同呀輝一齊放假,去咗尖沙咀行街,買咗d玩具同耳環,多謝輝哥!!夜d就同佢屋企人去咗鴨脷洲食飯,超正!!佢個鼓油王吊筒,d吊筒咬落去係卜卜(趣)!!勁勁正。喺玩具反斗城入面,有魔術嘢賣,咁啱有人做示範,咪走過去睇啦!一行到埋去見到魔術師一個,佢前面有張細枱仔,上面有盒(pair)牌。佢叫我由1-52隻牌入面講一隻出嚟,我話楷𥖁4!之後佢打開盒pair牌,攞疊牌出嚟有一隻係反轉咗嘅,之唔係我講嗰隻囉!!俾個叻你!

刊登時間︰2005-08-11 12:48 AM    [ 訪客留言(0) ] [ 編輯日誌 ] [ 分享至FACEBOOK ]

飲洒好玩呀?

放工後去咗唱K,我super生日。一入到K房班仆街即刻叫:快d過嚟玩啦,爭你咋!!你班死嘢想隊我冇咁易!大家都知我唔飲洒啦,玩咗成晚飲埋都唔夠一罐!佢\哋就好似飲水咁,1set.1set咁叫,都晤知佢\哋隘咗幾多啦,飲醉嗰d仲好笑,有個就係咁喊!有個就:猜啦!怏d呀!嗱嗱林啦! 飲大咗之後真係淑女都變pr呀!有d唱歌跳舞,睇到佢\哋真係笑爆咀!!飲完就嘔!都唔知飲嚟為乜,飲完咁辛苦,何必呢.一入廁所,見到個同事係度勁喊!我方便完佢\仲减緊,都諗住唔理佢\,点知佢\一嘢就欖住我喊,麻鬼煩!又唔講嘢,我鬧佢\:夠啦!收聲!之後佢\呆咗咁望住我,突然間佢\想嘔!我推番佢\入廁格!!我就梗係走啦!飲洒好玩呀?睇吓你哋似セ嘢!

刊登時間︰2005-08-11 12:23 AM    [ 訪客留言(0) ] [ 編輯日誌 ] [ 分享至FACEBOOK ]

我怕

本人現在宣佈,由於有d日子冇乜事發生或實在太攰,所以日記會跳嚟寫,不便之處敬請原諒!!今晚同咗呀蕾去旺角行街,大家都有d收獲咁啦!行吓,食飯+吹水眨吓眼就12点啦,同蕾傾計每次一定有d好好笑嘅金句,奈何本人冇乜記性,返到嚟再加上睇咗陣電視(粉紅救兵)先寫嘅關係所以唔記得咗d金句!!今日個同事(八婆)同我講: 呀詩,我同你都差唔多做咗5年啦,但係同期嗰d同事升哂職,好似得返我哋兩個原地踏步咋!我忽然間好似俾人扑咗一吓,醒咗!原來我好似一直冇咁樣諗過!冇用,呢兩個字立刻必咗出嚟!之後冇答佢\就行咗去。五年啦!我所做嘅一切都好似白費!係咪要識篤人,擦鞋,邀功\,踩低人嚟抬高自己d老細先鐘意?安份守己就唔可以原諒!呀蕾講過,福在醜人邊,真嫁!!係咪連我都要做埋呢d人先可以上位!我試過想篤人,但係過晤到自己,我怕,我真係怕,我怕我永遠只可以跟住人後面,唔可以爬頭;我怕,我一停d人就不斷咁走上嚟;付出100≠回報100,而家已經係收入與官職不相稱,幫你做到身水身汗,請我飲啖水都唔得?再加上聽到: 如果要升嘅話,我會升ceci!私相授受。你哋不如一齊去死把啦。滿口仁義道德,背後狼狽為奸,我請你哋怏d仆街啦,真心祝福你哋!

刊登時間︰2005-08-09 02:44 AM    [ 訪客留言(3) ] [ 編輯日誌 ] [ 分享至FACEBOOK ]

1-100題 2

01.最中意邊個香港歌手:  陳亦迅
02.最中意邊個日本歌手:  技安
03.最中意邊個臺灣歌手:  唔再唱歌嘅金城武
04.最中意做D咩:            bt

05.最中意邊個:               輝哥
06.最中意同邊個玩:        你哋
07.最中意邊個屋企人:       爸爸同媽瑪
08.最中意咩歌:               saturday night
09.最愛既人係邊個 :         唔再愛我嘅佢\

10.最令你心痛既人係邊個: 當初我令佢\心痛嘅人

11.最掛住既人係邊個:     曾經一度忘記嘅佢\
12.最令你有安全感既人係邊個: 輝哥
13.最易令你喊既人係邊個:          唔會再為佢\喊嘅人
14.最驚D咩:                              曱甴
15.最冇信心令你做既野係咩:     減肥呀!!
16.最唔中意邊一科:                   數學
17.最心愛既野係咩:                   我身邊嘅一切
18.最唔開心既時候會做咩:           喊
19.最悶既時候會做咩:               發顛
20.最愛既女/男朋友係邊個:      大家
21.最關心既係邊個:                  得閒先關心嗰個
22.最DOWN既時候係幾時:       第二次失戀
23.最中意邊個老師:                   馮笑英
24.最怕既野係咩:                      suki (狗)
長命百歲
25.最中意食咩:                            点心麵
26.最中意咩通訊工具:                口疏嘅人

27.最憎既人係邊個:                   大粒墨
28.最想做既野係咩:                   生仔
29.最中意邊個異性朋友(唔可以係拖友): daniel
30.最令你有性幻想既野係咩:      輝哥!!
31.最錫既人係邊個:                      昕昕
32.最冇辦法接受到既野係咩:      輝哥去漫畫節俾女電
33.最好笑既朋友係邊個:               你哋囉
34.最瘦既朋友係邊個:                  ell 5尺4寸高 86磅
35.最令你開心既人係邊個:         都係你哋
36.最講得心事既係邊個:             盈盈
37.最中意TVB邊個男演員:       葉榮添
38.最中意TWINS邊首歌:             風爭與風啦更係
39.最想邊個做你爸爸:                Bill Gates 
40.最想試下同邊個拍拖:               迅迅
41.最中意飲咩:                           飲料
42.最中意邊個既日記:                   痴情家豪:(今日唔舒服,但係一諗起你我就覺得好返哂)幾好睇呀!!

43.最憎既老師係邊個:      數學老師
44.最怕係街度撞到邊個: 呀品
45.最中意同女/男朋友去既地方係邊度:   可以扭到輝哥買嘢嘅地方!(机本上邊度扭到)
46.最想知佢\諗既人係邊個: 鬼知呀!
47.最唔想發生既野係咩:     死
48.最易令你觸電既異性係點既: 大隻
49.最勁試過一拖幾:      易啦
50.最冇能力做到既野係咩:   之唔係減肥囉
51.最唔中意人地話你咩:    任何嘢
52.最中意既電影係咩:          肥貓流浪記(以前去ok租帶睇嫁)
53.最怕失去D咩:               朋友
54.最中意邊隊組合:           suede 而家叫 the tears
55.最中意睇咩雜誌:           jet
56.最中意睇咩報紙:           東方
57.最常做既野係咩:           返工
58.最易HURT到你既野係咩:   刀
59.最中意邊個網友:    吓???
60.最中意咩牌子既紙巾: 7day
61.最易令你放棄既野係咩: 減肥
62.最中意咩牌子: 衫就comme des garcons/煙就ysl/褲就levis/鞋就con屎/电話就nokia /耳環手鏈就doir/
63.最矮既朋友係邊個: 邦
64.最高既朋友係邊個: 丙
65.最中意邊個足球明星: 呀叔
66.最中意NBA邊個人: 吓??
67.最中意做既運動:       愛
68.最中意咩公仔:        jenny
69.最中意陳家豪唱邊首歌: o my angie 她只跟我好!
70.最唔中意邊個歷史人物:      毛澤東啦!!夠仆街,攪批鬥,攪文革,中國人打中國人!呢d人一個就夠啦,再多一個嘅話,自殺好過。

71.最好打既朋友係邊個:    我哋係和平主義者嚟喎
72.最愛你既人係邊個:        我
73.最想讀邊間學校:          耶魯
74.陳家豪最想做而又冇可能做到既野係:  做古巨基
75.最靚既朋友係邊個: 我囉
76.最中意咩電視劇:     人在邊緣
77.最中意咩電器牌子:  美的
78.最冇可能發生既野係咩: 36 24 36
79.最掛住你既人係邊個:    輝哥
80.最中意既字係咩字:       玩
81.最想得到既野係咩:       滙豐
82.最開心既時候會做D咩: 發顛
83.最唔中意咩寵物:           suki
84.最勁試過做D咩野:          細個時夏天,天末光聽到屋企出面有狗吠得好大聲所以醒咗(開咗汵氣冇開窗)出鬥口望吓,唔係自己隻狗吠,d聲係附近個井度傳出嚟,好奇所以行過去望吓,個井喺個樹林邊,行到過去個井係俾塊大木板蓋\住仲有大石頭喺上面,跟住就聽晤到有狗吠聲,仲未知驚,行返去只係駑俾馬太知我走咗出嚟!!

85.最黑你憎既歌手係邊個:  鄭希怡,講都未講得正就走去唱歌!仲要難聽,死得
86.最驚既人係邊個: 平生不作...
87.最中意邊個TB:    死基婆,呸
88.最靚女既人係邊個(你見過之中): 對住塊鏡就會見到
89.最靚仔呢: 金城武
90.最易令你絕望既野係咩: 糧尾
91.最怕被人發現D咩:  我係男人
92.最勁既大話係咩:     學校有鬼,呀馬太信,仲幫我請假
93.最細隻眼既朋友係邊個: 品
94.最好聽既合唱歌係:   漩渦 我+家豪版
95.最中意咩童話故事: 灰姑娘
96.最理想既情人係邊個: 迅迅
97.最好聽既失戀歌係咩    我不好愛
98.最中意咩生果:           波蘿
99.最鹹濕既朋友係邊個: 我
100.覺得呢100條問題點: 好似難咗

嗚謝:佳

刊登時間︰2005-08-07 02:38 AM    [ 訪客留言(1) ] [ 編輯日誌 ] [ 分享至FACEBOOK ]

無風無浪

無風無浪又一日!呀輝間鋪要大裝修,所以後晚要返通宵更,返兩晚。得返我一個係屋企!獨守空房啦!諗返起以前同你哋出去玩真係好開心,笑住出門口,笑住返。燒嘢食,踩單車,仲成日影相,諗起都想玩!而家出嚟玩好公式化,去唱k,去食飯,好少傾計。好小講心底話,人人都好似有心事,但係永遠都唔會對大家講,成班fd識咗咁多年,我都識咗大家5-6年啦!好難得呀!有時好難得人齊,但係好多時候都白白浪費咗d時間。再過多幾年,大家漫漫成家立室,第時想聚就難啦!

刊登時間︰2005-08-06 12:44 AM    [ 訪客留言(1) ] [ 編輯日誌 ] [ 分享至FACEBOOK ]