|
|
暱稱： is★you★mama★奇遇記
性別： 女
國家： 香港 | |
| MORE... | |
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
 |
馬太你好嘢!! |
|
hi!!!everybody!!!!琴日篇日記係咪感性得嚟又激情,含畜得嚟又風流呢!呵!才女呀真係!今日知道公司有d人升,唉!自己仲係呢個位,怪就又怪自己唔夠人哋奸啦!又唔識攪小動作,好人如我注定上唔到位.王景謙大粒墨,粒墨生係人中隔離,仲要超大粒突起(eddie)你正人渣,敗類.我就係俾佢係背後作故仔插死,呢條八公9月過沙田新鋪升,唔該大家得閒行過探探佢.今晚終於返咗天水圍,久違了my home. 馬太你好嘢;下午3点幾打嚟問我:喂飲セ湯呀你想? 天真的我答:番茄.魚湯Y! 馬太:中!!!(中?)不過唔好加魚Y,又要煎咗先好煩. 疑域的我:是但啦! 返到去梗係嗱嗱声沖涼食飯啦.當我行入去諗住(畢)湯飲,噫!!!得半煲,仲要係小渣仲要係6麵嗰個煲裝住!奇啦!老豆唔係喥再加上佢少飲,係呢個時候佢突然之間走入嚟話要倒垃圾再加埋佢個陰笑,啊!!!!!我即刻望吓個垃圾桶,有個外賣大湯兜,入面有舊大豬骨!!!!你條粉腸呃我!!!!煲湯!!!之後佢仲加咗句:呢檔嘢冇味精嫁!!
is.your.mama今日今句:殺人放火金腰帶,修橋補路冇屍骸.
|
|
|
|
sze姐戀愛血淚史 |
|
今日屎忽痕; 我以前..... 初初拍拖講起先啦:愛一個人真係好撚煩!(本人福大命大正在被愛中),成日擔驚受怕,好似象霧又象花(好文采)打小個電話就心掛掛,又驚對方發現自己一d平時唔會係朋友面前表露一d缺點; 到拍拖一段時間啦,因為比對方更去愛,處處遷就甚至变為縱容,最後变為忍受,接受佢一切任性無中生有,無理取鬧,對方初初愛嘅你,巳經一d一ｄ咁流走,而佢眼見面前嘅你变成豪無性格,以前嘅自信(以前追佢,都係覺得自己比其他對手出衆),安全感(自己都成日驚佢走,点俾到佢呀),上進心(將自已嘅時間都俾哂佢,何來有時間上進),成熟感(因為冇咗信心根本就唔敢諗將來,点會長大); 然後對方身邊有一個好似以前嘅你出現,自信,上進,成熟,有安全感,佢一定會揀同你分手.同(以前嘅你)一齊,因為對方覺得以前嘅你先係可愛,而家真係愛唔落,佢對你嘅愛跟住以前嘅你一d一d流失; 到最後愛情变為時間累績而成嘅感情,之後對方一滴愛都流唔到出嚟俾你;因為無愛情所以分手佢唔會傷心只會唔捨得:因為有感情所以佢撰擇同你做朋友.之後向對方學習,懂得自私,唔再哂泠,以前嘅你開始一d一d番嚟,但撰擇被愛唔再一廂情願去付出.結局末知,無了期下回分解.
 |
|
|
|
後悔... |
|
今日放假,11点幾急尿急醒咗,一行出房門就見到地下有一灘
 ,跟住隻猪狗合成獸已經一早(鼠)咗入枱底,當本人清潔完畢之後咪順手醒佢幾下囉.点幾鍾呀輝媽走過嚟嗌我去飲茶,佢請.跟住行過狗鋪,見到八哥bb,超得意,即時諗起蕾姐對迎賓狗!!我諗我開始掛住豆豆同波波啦.過咗日師奶生活,幾正.返到嚟就即刻做d犯法嘢,偉大而神聖嘅bt.喂你地如果想約食飯(lunch)前一晚約Y,因為我唔想你哋on 99等我!!我會唔好意思唷!!尤其係呀sky,要你等我食飯我會心痛嫁.
ps:6/7号朝頭早昕昕打俾我!!(佢係由我呀媽湊大由出世3-4個月至3歲幾都住係我哋屋企而家2年班)聽到佢把声心都軟哂.佢把声冇变過,唉好掛住佢,好後悔以前成日都唔倍佢.
 而家冇機會啦.
 以前成日諗聽日先倍佢,日日都有聽日.
is.your.mama今日今句: 時間係唔等人嫁, |
|
|
波太重(10磅)  |
|
曄!!頭先去咗碌ling,超好玩!最正係食得煙嫁!成班同事分兩批人比賽but輸咗
.本人只得80幾分O shit!双鐘連代資,每人都只係70蚊咋! 老婆最贊成!!同場d人好pro嫁私家波,護腕,爽身粉,隊衫!嘩我地又屎喎,不過我經理同佢男朋友都係pro人,pro到拉車仔載波.good.佢地嘢嘢全中咁滯,holly shit!!!我哋又去碌波Y,yeah!!!!
ps:今日我扭呀輝哥買dior耳環俾我,佢用电話影底咗俾我揀,我相信佢一定買嘅!!阿門
is.your.mama.今日今句: 凡事留一線,他朝好相見.唔通真係要我有我快樂,你有你折墮咩. |
|
|
|
1-100題 |
|
今日,佳,蕾出嚟倍我飯,多謝蕾姐好飽.好開心!!
1.你大名 ? is_your_mama
2. 玩過幾多次呢類1-100 ? 我第1次咋
3. 多唔多酒肉朋友 ? 多~
4. 多唔多真心朋友 ? 無就死得啦~
5. 如上, 有幾多個 ? 5隻
6. 講唔講粗口 ? 晤講會死
7. 接受倒自己另一半講粗口嗎 ? OK LA
8. 食煙嗎 ? 抽但唔食
9. 如是, 打唔打算不日後戒左佢 ? 我冇打算食煙喎
10. 接唔接受倒自己另一半食煙 ? 接受唔到佢食
11. 你靚唔靚 ? 靚到Y
12. 比你去整容或者變靚身體事但一度地方會係 ? 頸以下
13. 你把聲係點 ? 一定好聽過栢朱
14. 鍾唔鍾意唱歌 ? 愛
15. 如上, 問心唱得好 ? 好過栢朱
16. 有冇試過參加比賽? 可惜冇
17. 做邊行 ? 好過做清潔嘅
18. 想唔想轉工或者轉行 ? 多嘢做咪想
19. 邊一份工係你dream job ? 靠妓女為生(你睇邊有雞(豆)執笠)
20. 如果比你選想似邊個名星 ? IS_YOUR_MAMA
21. 1-100題好冇玩? 而家先21
22. 有冇信心答倒D好陰濕既題目 ? 我驚唔夠濕咋
23. 你鍾意男定女 ? 仔24. 有冇同異性拍過拖 ? 有
25. 識唔識打麻雀 ? no
26. 賭博嗎? 小賭
27. 入機鋪仲有冇人會check你身份証 ? 可恨冇
28. 你覺得你自己假唔假 ? 一時時啦
29. 如果你係其他人, 會愛上自己嗎 ? 愛死啦
30. 你覺得你最吸引既地方係咩 ? 大
31. 承認過份自大既人係等於過份自卑嗎 ? 細細個己經咁諗
32. 你岩岩食左D咩 ? 藥
33. 你今日去左大未 ? 軟嫁 34. 有d 咩係你好想買但暫時仲未買 ? 買起你
35. 有冇d人你係想再次擁有 ? 有
36. 同另一半鬧交最憎聽倒既說話 ? 係唔出声
37. 有冇邊一次分手係最深刻 ? 俾咗d人帶去遊花園之後冇耐就分手la
38. 三圍講唔講得 ? 直落嫁喎而家
39. 用咩牌子既香水 ? 自家制
40. 對衣著講唔講究 ? 唔太
41. 鍾唔鍾意做家務 ? 幾萬尺喎有心冇力
42. 如是, 鍾意做咩 ? 同上
43. 養什麼動物 ? 猪狗合成獸
44. 用一首歌形容分手會係咩 ? abc君
45. 你覺得你自己花唔花心 ? 小花
46. 你唔拍拖會唔會死 ? 死咁半
47. 夏天衫多d定冬天衫多d ? 十幾萬一季,冇話多唔多嘅
48. 如果可以, 你最想香港開一間咩商店或者主題公園 ? 紅燈區
49. 對自己邊一方面有信心 ? 大
50. 獨立嗎 ? 試舉例 ? 自力更生!!!!
51. 你覺得一生中有邊件事稔番起都搞笑 ? 俾人帶去渣甸坊,然後陳娃豪問人:時代廣場喺邊呀?同日撘咗全港兩大最慢嘅交通工具;天星小輪and叮叮仲要係回
52. 你有咩缺點 ? 近乎完美
53. 有冇拍拖 ? 有
54. 有冇鍾意人 ? 輝哥
55. 對上一個收倒既sms係邊個 ? sky
56. 外形方面你比自己幾多分 ? 近乎完美
57. 內在分面你又比自己幾多分 ? 近乎完美
58. 今日聽過咩歌 ? 化蝶
59. 最近睇既一套戲係咩 ? 吞精
60. 你係日久生情定一見鍾情果種? 日久生情
61. 如果你鍾意左人地既女朋友或男朋友你會點? 我唔係嗰d姦夫淫婦
62. 你對內衣講唔講究 ? 唔講
63. 鍾唔鍾意曖昧既感覺 ? 唔鐘意
64. 你算係理性 ? 感性
65. 你既dream house 會係點 ? 一家人一齊,就算住木屋or新界都已经係dream house
66. 鍾意數字定文字 ? 後者
67. 捨唔捨得買貴野 ? 就算用假嘢都唔會同人講係真嘅
68. 你會形容自已係咩顏色 ? 呢排紅色
69. 如果冇拍拖, 想唔想拍拖 ? 想死𠻹呀
70. 幾時生日呀? 1120
71. 用20個以內字形容自己既人生觀 ? 放鬆d啦香港人
72. 平時出街有咩低能行為 ? 我d friend比我仲低能
73. 識唔識整野食 ? 我係大鍋
74. 你阿爸阿媽係咩人 ? 良好市民
75. 你錫阿爸多d定阿媽多d ? 表而呀媽,心就呀爸
76. 有冇邊個朋友你好錫 ? yammi(得閒嗰陣)
77. 你雙眼皮定單眼皮 ? 双
78. 鍾意中文定英文 ? 中
79. 邊個纖體女星最得 ? 肥媽
80. 認同新不如舊定舊不如新 ? 新不如舊
81. 你身體上有咩小毛病 ? 女人病
82. D cam 係咩牌子 ? 油
83. 大汗定細汗 ? 大汗疊細汗
84. 如果朋友突然同你表白你會點 ? 如果係家豪的話我會同佢講:你都係等呀蕾吧啦.
85. 抗拒比你年紀大好多既人嗎 ? o shit
86. 接受倒另一半同你年齡相差極限係幾多 ? 5年
87. 用咩味道形容自己 ? 好味
88. 鍾意食咩菜 ? 西洋菜
89. 自己算係鍾意傾心事定普通吹水既朋友 ? 熟咪前者生就後者
90. 有咩野想學 ? 借刀殺人
91. 香港邊一間食店你都幾鍾意食 ? 加太賀,我咁大個女都未試過食完之後,腸胃炎,但都想食多次.
92. 香港邊一間cafe/pub你都幾鍾意去? 唔太鐘
93. 你住邊度 ? 我衝出新界住佐敦
94. 有冇稔過電眼睫毛 ? 变態
95. 你既貪靚程度如果1-10分有幾多分 ? 20分
96. 人生座右銘你有嗎 ? 今日吾軀歸古土,他朝君体......
97. 鍾唔鍾意畫畫 ? 愛
98. 對今次呢1-100條有咩感覺 ? 麻木咗
99. 邊個比1-100 你 ? 梁樹佳
100. 最後, 獎你下次再玩多次啦 ! 我玩咗成粒鐘啦,thxx
|
|
|
| « | 15 | 16 | 17 | 18 | 19 | 20 | 21 | 22 | 23 | 24 | » | |
