|
今日呀佳揾我食飯，佢條友仔話想揾多份工做！係！錢係趁後生揾，但係唔使踩咁行掛！保重呀！食到尾升，一吓大力咗，倒咗ｄ湯落條褲度仲要係內側！呢幾日做到仆街，係今日可以停吓，唉！呢排成日同蕾姐講電話，佢一打嚟，呀輝就話:你條女呀！
放工返到屋企，冇耐佢家姐(超級名牌怪)落咗嚟，見佢抽住個tiffany紙袋，我心諗：又落嚟(現)嘢! 跟住佢話：送俾你嫁生日！！ 我O嘴！吓咁重手！嗱嗱聲拆啦梗係！細圓牌耳環一隻！之前佢諗住同我夾份買都要每人７佰好似，因為大家都係得一個耳隆，不過後尾就冇咗件事。估唔到佢今次竟然......今次真係要多謝家姐囉！
頭先又同蕾姐講電話，佢嘅話題，品品品，唉！睇嚟你已經越踩越深，你都係注定要死喺呀自信品手上啦！真係壞男人/女人有人愛！安份守紀嗰ｄ就成炮灰，好攪笑！不過個天就好 玩嘢嘅，當初你點對人，而家要自己受番！！以上內容純緒發洩，鬼叫你哂命呀！呀輝話請我環遊世界呀！發夢嗰陣！
眼訓啦！瞓番喺輝哥隔離先！真係好啦！一訓醒就見到輝哥喎！ | 
