|
今日同班老死一齊去行山，可惜嘅係呀佳老細唔放人，攪到佢冇得嚟！算啦！下次再玩過。9点鍾出發柴灣等，大家一齊向大潭雙龍石澗進發！經過燒烤埸，見到班弱能人士即係家豪ｄ舊院友，佢哋竟然大叫話我個男同事好靚仔？？大家都冇怪佢哋。
到步後以為唔會太難行，点知.....其實我哋行個ｄ路都幾恐佈，條路窄到丫！ｄ矮樹又生到出路邊，下面就係水塘，好激！冇耐就行到石澗啦！一望，嘩！点行呀？一條好斜，好多大小不一嘅石頭，ｄ樹喺石澗兩邊亂生，遮住哂ｄ光，ｄ氣根又粗又長，生到九唔撘八，ｄ斷樹枝又長又大碌，阻撚住哂，不過本人尚算身手敏捷都ok唔使人扶，但行到咁上吓大家發覺環境實在有点兒惡劣，團長探路後滙報前路難行度係hard，所以原路折返！仆街囉！仲雖行過上澗，ｄ石頭上面生哂青苔，本人爭ｄ魂斷大潭雙龍石澗！好彩ｄ氣根生得夠長，仲要啱啱好到我左右手位，即刻扯得住！如果唔係就、、、、再落到水塘邊，本人忽發奇想，好想除鞋浸脚！想到非常榮幸！！爭ｄ你哋就有幸飲到我ｄ洗腳水！不過唔知邊差個話分分鐘會俾人拉，好夢成空！！
之後再向第二條路進發，仲仆街ｄ樹呀，草呀生到阻撚住哂條路仲要同我咁高，俾ｄ草同樹枝係咁狂吻我隻手同脚，損哂。好彩以前行山ｄ人行咗條路仔出嚟，如果冇嘅話真係會迷路。出咗呢條hi路，就見到第二個石澗，ｄ陽光照落嚟，好靚！好正！玩完水之後就行番出大路。
終於行番ｄ人行嘅路啦！經過長命斜，紫外光嘅洗礼，終於到水霸上面，大家就留吓倩影咁囉。跟住就行多粒幾鐘就走ＬＵ。
出番市區就約埋呀佳睇童夢奇緣，好悶，徙錢！！之後就去咗swarovski買水晶送俾輝媽(生日)，成千銀買咗朵水晶玫瑰！真係，唉~。夜晚去咗食生日飯，輝媽叫咗條臭hi嚟(佢哋有牙齒痕)，呀輝媽拆咗我份嘢之後，勁開心當大家有讚冇彈嘅時候，條臭hi話：呢個牌子ｄ水晶好似有mark嫁喎？我？！我3年都送呢個牌子ｄ水晶，從來未見過有字印喺上面，咪玩啦！佢仲話：我以前送個水晶旦糕俾人，好似有mark喎！ 我:哦！你係咪買二百幾蚊，五毫子咁大，有條鉄圍住個ｄ呀！ 佢:(無言中)....
呀佳，希望在明天嘛！ | 
