…is★your★mama★奇遇記…

今朝去咗行山，落斜落到腳震！重返文明之後，同輝哥行又一城。又買咗好多玩具，跟手去埋pageone。夜晚就同男子組and女子組唱Ｋ。因為多士今日生日，買咗礼物俾佢，點知.....千古罪人呀！唉！！！！一個唔該搞喊佢！一陣呀蕾又嚟料！嘩！我真係要一死以謝天下呀！家豪mark呀蕾，我mark多士！好彩，兩位美人都條經過長期嘅專業訓練兼本身係美貌與智慧並重嘅叻靚醒，當佢哋梨花帶雨時，嗰個淒美嘅神態令人為之動容。風雨過後依舊儀態萬千，不帶走一片雲彩嗰隻。雨後陽光嘅笑容格外清新，令人珍惜。從心而發嘅自信，份外攝人。一舉手一投足都令人覺得完美。完全令人又敬又畏，更覺自己格外渺少。重新振作堅定嘅決心，喺佢地嘅歌聲中已經表露無遺，在場每一位朋友都不其然為佢哋打氣！嗰份氣定神閒嘅壓場感，就好似天生出嚟成為眾人焦點嘅主角，非一般凡夫俗子可比！自然流露嘅完美，毫不造作.....

或者一生太漫長 才令我的癡心癡到這地步
甜蜜開心地挽手 直到一天笑著離場 誰不想
或者失戀太擅長 明白每次艱苦經過同一樣
還未醫得好創傷 便要天天過活如常 沒妄想
為什麼 沒什麼 只因每次 付出比得到更加多
恨什麼 沒什麼 只不過一個人對一個人愛錯
怎麼失戀我擅長 何謂痛的酸的感覺能想像
留在當天的震央 讓痛苦的快樂延長 是我想
離合聚散 這世界每天都發生
而唯獨我 每次也這麼的敏感
若你已經 聽過太多這種怨歌
但願不必要像我 認真

放鬆ｄ啦！香港人！！

今日同頑固同事傾計，有感而發內容如下:

其實愛一個人好簡單，解要成日計嚟計去？當你要人不斷付出嘅同時，有冇設身處地諗過對方嘅處境感受？逆地而處，你會點？一凹一凸先可以配對，對方已經無路可退，但係你仲要咬住唔放，大家都唔好過。折磿你愛嘅人，舒服嗎？你話好鐘意佢,但係又要咁對佢,係咪因為你而家過得辛苦，就要對方都唔好過？就算你冇折磨過佢，佢都唔會過得開心，因為而家佢同你嘅感受都係一樣。愛一個人唔係對方開心，自己就覺得開心咩？就算冇緣再一齊，都希望對方得到幸福。你而家已經得到一d人諗都未諗過嘅嘢，知足啦！

聽你咁講，真係心痛。

今日放假約埋佳,蕾唱k兼求簽，一見到呀佳，嘩！黑臉！都係唔惹佢。一去到黃大仙佢就生猛哂！大家求支簽都○Ｋ，呀龍大師講嘢好準！大師解呀佳支簽先，佳就係咁點頭！又讚呀佳好仔！準呀！跟住到我，一講就話我有個好男友，好錫我，仲要係我話哂事，聽哂我話。呀蕾同呀佳笑到丫！準呀！到呀蕾先好笑！呀大師憮端端講(驚池)唔識寫！大家都以為大師讚呀蕾之際，呀大師指住呀蕾話:我唔係話你呀！係話嗰個男仔呀！  大家笑到拆天！之後去咗睇再說一次我愛你，完全係劉德華個人表演兼乜都要擺pose！失望！一ｄ都唔真實！完全係少女漫晝橋段加埸景！欠嘅只係影呀劉華大頭時冇加ｄ星星閃吓！反而呀sa做得好自然，而呀楊采妮就好造作，又一個失望。

大而化之