…is★your★mama★奇遇記…

今朝去咗行山，落斜落到腳震！重返文明之後，同輝哥行又一城。又買咗好多玩具，跟手去埋pageone。夜晚就同男子組and女子組唱Ｋ。因為多士今日生日，買咗礼物俾佢，點知.....千古罪人呀！唉！！！！一個唔該搞喊佢！一陣呀蕾又嚟料！嘩！我真係要一死以謝天下呀！家豪mark呀蕾，我mark多士！好彩，兩位美人都條經過長期嘅專業訓練兼本身係美貌與智慧並重嘅叻靚醒，當佢哋梨花帶雨時，嗰個淒美嘅神態令人為之動容。風雨過後依舊儀態萬千，不帶走一片雲彩嗰隻。雨後陽光嘅笑容格外清新，令人珍惜。從心而發嘅自信，份外攝人。一舉手一投足都令人覺得完美。完全令人又敬又畏，更覺自己格外渺少。重新振作堅定嘅決心，喺佢地嘅歌聲中已經表露無遺，在場每一位朋友都不其然為佢哋打氣！嗰份氣定神閒嘅壓場感，就好似天生出嚟成為眾人焦點嘅主角，非一般凡夫俗子可比！自然流露嘅完美，毫不造作.....