11月17日

已經好耐冇踢過波...踢波既感覺係點已經唔係好記得...開始發覺我已經越黎越少做自己鍾意做同想做既野...人生就係咁膠...邊有話真係咁如意ga...往往你最想做既野...當時機過左之後...就再無機會去做返...

今日既一件事又令我諗返起我人生既其中一樣遺憾...細細個老媽子叫我去學鋼琴...不過我個心一直都係想學結他同打鼓...當然...年紀輕輕既我必然會對呀媽「學結他同打鼓好似壞人,要學就正正經經學鋼琴,小提琴啦」既歪理作出大反駁...一拍兩散之下...我無再提出學呢兩樣野既要求...而呀媽亦都無再迫我係鋼琴同小提琴之間作出選擇...諗返起上黎...其實近三年既我...間唔中都會有「好想自己識得彈鋼琴」呢個想法(由其係每次睇到周杰倫同王力宏果d MV既時候)...不過...而家既我係絕對唔會廿二歲仔先去學一樣樂器...太荒謬了...

或者...人生係要有遺憾先算完美...但我希望..有留底遺憾既...只係對一d事...而唔係對一d人...因為我覺得...遺憾既事或者仲會有機會由另一d事去填補...但係...人...錯過左就係錯過左...失去左就係失去...一個人...係永遠都唔可以由另一個人去彌補...

今時今日...人大左就唔會再有咁大既選擇權去做一d自己想做既事...因為...已經再無任性既權利...亦都無夢想既空間...你要為現實而低頭...為將來而努力...所謂夢想...只係一d不設實際既妄想...但係...當一d野仲係我地能力範圍既時候...我希望我自己學識點樣去把握...去珍惜身邊既每一個機會...每一件事...每一個人...

11月16日

美好的一天

11月15日

開始感到有壓力...呢個月搵得多...唔代表你下個月都搵得多...

甚至今日搵到錢...唔代表你聽日都會搵到...

人試過成功...就唔會想接受失敗既滋味...

咁樣返工法...咁樣迫自己...其實真係好似拉到條橡筋好緊...唔知幾時會斷...

把聲沙哂lu...depress....

近日心情又開始反覆...無啦啦個人好似down down地咁...點解呢..?

真想有人多d氹氹我呢~~~哈哈~

P.S.

1) 今天又fing錢了...... 

2) 還好...有人管束住我...set左個儲錢plan...不然情況會更糟~

3) 我要儲一筆錢...然後shopping...瘋狂shopping...and...去旅行...~

4) 請小心身體~唔好又病過呢...岩岩你先好返冇幾耐ja!

"我對你關心　你對我關心
 同樣發覺有了記掛感覺
 複式的快感
 我變得天真　同樣你也變天真
 同樣發覺這個世界很美　相戀的世紀

 我對你犧牲　你也有犧牲
 同樣發覺奮鬥有了方向　彼此的理想
 我對你偏心　還是你對我偏心
 無論哪個要與你作比較　都相當渺小"