|
俾人低估既感覺雖然唔好...但係當你做到左之後...身邊既人對你果種驚訝同appreciate...真係幾enjoy呢種感覺...
有時做人真係唔好咁高估自己...自視過高...久而久之覺得身邊既人圍住你轉係必然既事...佢地永遠都唔相信自己會有mistake...就算有...都係人地既問題...
自我中心既人唔代表係叻同有自信...只係用另一種方法去演繹自己既懦弱同自卑...掩飾自己既陰暗面...唔想去接受現實...心裡面永遠都係為自己著想先...佢地既言行有時絕對係令人討厭...因為佢地從來唔顧別人感受...但係就會責怪別人唔夠體諒自己...
我鍾意為別人改變...多過人地為我改變...冇得解...因為當人地為我改變既時候...我會有種莫明奇妙既內疚感...
我鍾意做付出多一點的那位...冇得解...性格...但我都需要別人一點點既認同...我鍾意迎合別人...多過要別人迎合我...冇得解...我係咁樣會開心d...唔係無主見...只係唔喜歡所有野都宣之於口
無人會天生就無條件對一個人好...無論對你既朋友...定係你既戀人...你之所以願意無條件付出...因為你對佢地有友情..有愛情...為朋友可以付出...為你所愛更加可以無限量的付出...但千萬唔好覺得...別人係有義務無條件為自己付出...就算父母對你可以付出一切...都有一個先天條件...因為你係佢既仔女...同樣地你既戀人可以為你付出所有...因為佢愛你...每一樣看似無條件的...其實都有一個原因...世界上...無野係無原無故無條件發生的...愛...就係一個理由...一個原因...
P.S.
1) 近排勁煲周杰倫既「楓」,「珊瑚海」,郭芯其既「冰點」同埋側田既「命硬」...真係好好聽...好正!
2) 近排錢搵多左...但係依然唔夠用...我係幾時開始...鍾意左返工ga呢..? 受某人感染呢~呵呵
3) 喜歡你在身旁的感覺...我會好平靜...好舒服..!
4) 近排感覺到你多左既關心同著緊呢...
 so warm~
"緩緩飄落的楓葉像思念
為何挽回要趕在冬天來之前
愛妳穿越時間 兩行來自秋末的眼淚
讓愛滲透了地面 我要的只是妳在我身邊"
 |