每個人一生中總有幾個令你特別難以忘記既異性過客，

佢未必係你過去左既情人，可能只係你既知己，

當大家忙既時候，可能唔會搵對方，感情因而淡左變得疏遠。

但當你靜落黎，一個人既時候，腦海中從會有佢既影子出現，

然後你會不其然諗番同佢之間發生過既事，一切回憶，

或者回憶唔一定開心，但一定係有惋惜既感覺，

你會想去搵番佢，希望同佢重修舊好，變番以前咁，

但當你打開WTS，寫下第一隻字 "hi" 既時候，

你會好自然將呢隻字刪走去，因為你無勇氣去重新搵番呢個人，

一個一直令你難以忘記既人，

或者係怕自己係對方心目中可能少少地位都無既緣故，

之後你就會打消哂所有念頭，重新過番你既日子，

但呢個過客仍然會埋藏係你內心既深處，揮之不去。

而你正正就係佔據住我心入面既呢個人

3月27日

hi.....你係Kun? 

呢句係你重遇之後講既第一句說話，

戈刻既心情係感動，係留戀，

感動既係重新遇上你，你願意搵番我；

留戀既當然係同你之間發生既點點滴滴，

曾經一路認為既然同你無曾經滄海過，

又點會對你念念不忘？

可惜再一次見番你發現我徹底錯了，

起初知道會遇番你，心境還是平靜的，

但當真係遇番你，心中不其然有點激動，

呢幾個月發生既事好多，好多都好想同你分享，

曾經知道屋企人有病既時候，好自然就打開你既電話，

準備搵你，但又覺得不好意思，到底還是我決定分手的，

也不知道有沒有傷害你，於是還是放下手機，獨自面對。

你經常會問我，點解當初明明係我唔岩，你都好似無事咁仲理番我，

原因可能我對你呢一個過客、舊情人仍然有一絲絲既留戀罷了，

當時只係覺得同你相遇 只係係錯的時間，遇上對的人，是一種可惜，

即使唔再同你見面，唔再同你傾計，但仍然會思念，會眷戀，

雖然呢段期間，可能有好多唔同既人進入過我生命入面，

但始終會忘記，會離開，唔會停留係我心入面，

但你唔同，你有本事係我心目中佔據一個位子，

你總會令我覺得可惜，有一種難以釋懷既感情，

即使經過時間既沖淡，關系再淡，仍然如此令人念念不忘。

你又經常會問我，點解我對你咁衰，你都可以咁錫我，

我每次都會講一堆廢話，又長氣又煩厭既說話黎哄你，

最近幾日同你不斷嘈交，不斷有野煩，有一種厭既感覺，

其實係咪我地已經行得太遠太快，忘記左當初為左咩而一齊？

一開始因為互相欣賞，互相關心而走得近；

之後因為心動，比對方感動而相戀；

再之後因為重遇，唔想再失去對方而一起；

但最重要的一點係，若想長久，

必須要 寬容、諒解、習慣、適應先可以行得耐，

但感覺我對住你，成日只能空談，卻無實質行動，

啊，講到呢度，好似有少少遠左，

講番正題，點解要咁錫你，係我心目中我都解答唔到自己，

我只可以講，愛一個人，不要隨便牽手，更加不可以輕易放手，

或者有時候係煩厭既一刻會覺得，

早知同你咁唔開心，當初就唔好一齊啦，

但到左真正分開既時候，又會有一種惋惜，

點解當初唔好好珍惜啊，無左先黎後悔，

同你既愛情，有點悲傷，有點苦，

感覺老天也不是很認同，經常去阻礙我地，

出街自然會落個大雨，又會有垃圾屋企人煩下，

有時我也不清楚 ， 到底係對的時間遇上對的人；

還是錯的時間遇上對的人，

我無辦法去確認，但我只係知道一樣野，

有人既愛情平淡穩定，

有人既愛情充滿荊棘，

有人既愛情相愛不能愛，

有人既愛情無緣亦無份，

但如果我們可以確定眼前既呢個人係對的人，

請不顧一切，無怨無悔去愛對方，

不要有諸多顧忌去猜疑對方，懷疑自己，

我願用我的情去扣住你的人，

更願用我的愛去留住你的心，

結局有可能是淒美動人，或者美滿幸福，

我深信係由我同你去譜寫，並非由老天去決定，

與其每日亂想一堆不重要，會破壞幸福既事，

倒不如用盡全力去為對方著想。

就好似琴日一樣，你既說話完完全全將我鬧醒，

一直以來，我用左一種自以為可以了解對方，

想同對方傾計，諗住咁樣會令到我地既關系好D，

但原來你根本好憎咁既方式，一直以來，我都唔知道，

直到琴日，好多野我先識得醒悟，你要既野，我一直以為比到你，

實際上我只係一直傷害緊你，或者正如老師所說，

亂用心理學既技巧真係會害死人，

呢個基本既錯我就正正犯左，一路以來咁樣對你，

對不起，戈刻充滿自責，請原諒我係一個後知後覺既人，

到今時今日想起當日分開，仍然可以回味那時的痛，

那時候心碎，無助，孤獨，成為我心目中一段不能忘記既烙印，

既然明知分開會如此，我定不會再讓此痛再發生，

所以我一直好努力想維繫同你既關系，做好多好多野，

但原來你想要既只係簡簡單單，平平淡淡，

你曾經係一個我不能忘記既過客，現在你係一個我不願失去既情人，

希望未來可以一直做一隻識照顧金仔既史迪仔 :D 

只願你心似我心，定不負相思意 。

曾經滄海難為水，除卻巫山不是雲，

取次花叢懶回顧，半緣修道半緣君。

遇上過你，其他人何以與你相比 ？