今日我見到我阿叔個老婆因為小小事就打佢個仔,而佢個仔得15個月大仲係野都唔識講...你知唔知點解我個15個月大既堂細佬比佢老母打,其實係因為佢唔happy咁就喊咁之後就比人打~

唉...父母個腦入面只係得讀書,聽話,乖...佢地結婚我都唔理喇~但係佢地都唔識教細路就唔好生啦,只係叫佢地聽話...唔聽話就打!打!打!又中意拎自己仔女既讀書成績同其他人比較~《你睇下住對面個b仔不知幾乖,讀書不知幾好丫...好心你學下佢啦》但係住對面果個b仔都唔好得去邊~

我諗返起我細個果陣又係咁比老母話,細個果陣我d成績都有90幾up嫁...不過有一次拎左80幾分就比老母話又比佢打,因為個次之後我就唔讀書喇...就算我幾高分都好,我老母都唔會同我講一句〝乖仔,今次教得唔錯...下次再努力d〞~我諗依一世我都聽唔到...

我依加諗得好清楚喇,就算我讀書叻都冇用...我老母都覺得讀得好係正常既,讀唔到就我問題~咁我依加就索性唔讀~只係做自己中意既野...反正做乜都比人話,咁點解唔做自己中意既野呢!!!

其實好多既父母都唔識教又唔聽人講...就好似我編日記上面講個d野咁,由一個成年人講既就好多人認同~但係由我講就冇人認同,點解會咁既呢...係唔係年紀細講野就冇道理呢?

人其實身體年齡大但係精神年齡低係冇用,而一個人身體年齡細but精神年齡高既人反而有用好多~現時既父母都係身體年齡大but精神年齡低...佢地到依一世都係要自己仔女聽話!仲覺得自己咁教冇錯~

咁我就覺得佢地唔好生細路喇!去買個人型既機械人吧啦~咁一定好聽話...如果你地睇到覺得有共鳴既可以留言,而覺得冇既咁就算喇~