上個月我冇做網吧,咁我就比個度既老細激到冇做~咁我就話唔要人工,不過果個時就有d唔係好識既人走過黎叫我攞左先!

咁我諗諗下又覺得佢地講得幾岩~做左野冇可能唔要錢!不過惡夢就咁開始...係個陣幫過我既女仔佢話自己銀行有不明來歷既錢入左去佢銀行,好驚就唔咁用!!

咁做〝朋友〞既梗幫佢喇!我就用哂返工d錢幫佢,又話屋企人拎左好多(幾千)幫佢!!!

點知我老母打電話比佢,個女仔就話我老母〝咁〞我手提知道佢手提號碼...不過我最近問左我老母,原來係個女仔打比我老母先!.\ /.(條女真可恨)

仲有個女仔係我老母面前講左我之前係學校識既〝老死〞壞話!話個老死係黑社會又乜又柒,係個陣我唔知佢有講!我係之後同屋企人講野之中知道!

原來個女仔,想呃錢!而我一開始就話離開佢!唔同佢做fd....不過問題出現喇~我老母好信個女仔,好多野都唔同我講.\ /.

而我就走去同個女仔講我返去之前既生活,(打機睇電視),佢就話可以令到我老母cut電腦cut電視....又話我個老死一早唔多想同我做fd,我一返屋企就冇fd(個時我冇信= =)

個女仔仲話我冇人性,佢幫我追左d糧返黎我就走人!依家我就問始避開佢...諗返下我d糧咪又係洗係佢身上....(佢本身有問題,我同屋企人講返先知d野~)

佢洗左人地咁多錢,又想整到我同屋企人關係唔好!想屈我搬出去住!咪又係想呃錢!!!

不過到依家為止,佢身邊咁多人...係得我一個清楚個女仔係咩人= = 而其他人我理得佢地死~因為我講咩佢地都係信個女仔多嫁喇(搵幾十萬一個月喎)~而我同佢地又唔熟!我理得佢地咁多咩...

今次之後我上左一堂~唔好亂識人!好似上網咁亂識人咪仲多比人爆ac,不過真人亂識人就....唉

下次我自己小心d喇~見到d人唔多熟又對你好既,實有問題!!!社工唔在內- -