我今日又要去元朗喇
不過今次唔同既係
只因幫我妹買書而出
而且今次同我一齊去既係
我、我妹、我妹條仔
我地去搭輕鐵啦
點知架輕鐵鬼咁多人
我諗住搭下一架
點知我阿妹又話照搭
咁唯有搭啦
結果我地入左去
企左係個門口位
冇得郁
佢地兩個面對門口望住門外既風景
而我側對門口望住地下
當到下一個站時
有1個阿嬸同1個麻甩佬由車角位行過黎
咁諗住佢地係出站啦
點知原來淨係得個阿嬸出
個男人唔係出
個男人行到埋黎
望左上面個行車路線圖一眼
然後就企番係到
再到下一個站時
佢又行前左
以為佢今次真係要出啦
點知佢行左一步又冇行
後來佢隻手慢慢咁愈伸愈前
向住我阿妹個袋進發
呢個時候
我阿妹依然同佢條仔傾緊偈冇為意揹係後面個大袋
而我則與我妹有一小段距離
不方便叫我阿妹
咁我唯有繼續望地下(其實係望佢隻手)
跟住我見到佢隻手好似係摸緊我細妹個袋又好似唔係
咁我唯有繼續留意
不好輕舉妄動
否則誤會人家就糗大了
後來我見到佢隻手
確確實實咁捏住我阿妹個袋
係呢個時候
我即刻由佢隻手中抽番我阿妹個袋出來
同時我望住佢問佢隻手係到做咩
我阿妹知道發生事
同佢條仔一齊望過黎
然後我放手俾番個袋我阿妹
同埋叫佢揹向前
我繼續望住個男人
個男人話冇做咩野
之後我就冇理佢
由得佢企係到
反正佢唔應
我又奈佢唔何
唔通捉住佢
同佢一齊去警察局
染指紋咩
正所謂好女不與男鬥嘛
而且佢又黑又高我咁多
容不易佢.....
之後我同我阿妹就落左車喇
其實我都不知幾驚
同個男人講野時
我腳震
個心仲跳得好快添
不過依d更係我自己先知啦
唔通俾佢知道咩
我要強過佢先得架嘛
不過當我聽到個男人居然話冇野
我就心諗冇野....
就有鬼呀
冇野做咩要行到咁近我阿妹呀又唔係要落車
冇野隻手做咩呾鬼祟咁伸向前呀
冇野隻手做咩捏我細妹個袋呀
即使佢唔係想偷野
都唔方有好野啦
不過我最估唔到我居然會出聲阻止
我平時係最細膽架
遇到呢d野
我應該係驚到唔識出聲才對
估唔到我會有咁既行為
不過我重來都冇遇過d咁既犯罪事會係身邊發生
今日咁都俾我遇到
真係不幸
我今個暑假
發生左咁多野
真係最不幸既暑假嚕 | 
