由於本人很少可以長時間用到電腦既關係
所以日記已經變成週記了
而有上我日記既大部份人都催我打多d日記
結果我今日就應你地既要求
盡量打多幾篇日記
而且我亦換左日記既背景同頁頂既閃字
上面既閃字好適合我地而家既情況
同我既心情
而背景就是我近來看的台劇
愛情魔髮師了
我msn頭像既城堡都係來自呢張桌布架咋

今日原本什麼事都沒有的
我整個下午都靜靜的在看台劇
不過當我去掉垃圾時
黑仔衰神卻上身了
別人弄傷是因為不長眼
或行得快
但我又不是沒長眼
更不是走得快
但我居然咁都撞到隻腳趾尾
而且仲係好痛個隻
仲腫左添呀

16號個日得知ive收左我
所以17號呢日就同裕華一齊去黃克競學校註冊
起初我地諗住有地圖
所以冇叫屋企人一齊去
我地望住張地圖
係地鐵荔枝角站落車
出到去
我地就見到地圖與該區景物有些出入
不過條路唔係好長
所以ok啦
只是有點熱而已
點知去到之後
卻赫然發現果間只不過是1間矮矮的校舍
只見內裡有少數人收拾好多既椅子
我地被地圖陷害了
之後我地問左個姐姐
佢話好遠架
之後我地諗住搭的士
個的士司機話係後面咋
行到個商場後面就係架喇
當我地行到去後面又唔見喎
後來我地問左個巴士司機
佢話行到去個貿易廣場附近有條興華街
果度就係架喇
當我地行到去興華街時
又唔見
我地由街頭行到街尾
都唔見
後來我地問左兩個超好人既姐姐
雖然佢地唔識路
但佢地有張好詳細既地圖
佢地望住張地圖黎話俾我地知應該係對面
之後我地行到去1個叫幸福廣場既物體
當我地正站在門口猶疑時
有1位女士主動幫我地
仲帶我地去添
佢真係好好人呀
終於我地都到左喇
不過已經係1.30小時之後的事
因為我地2.30去到
經過這麼多波折後
終於有好心人帶我地去
但那時已經係4.00了
真係累死我了
而且又晒喎
我自己帶去果枝水已經由凍水變成熱水了

IVE收左我呀
耶
不過我真是運氣不濟
由細到大
要選擇的時候
我每次選中的東西都不會發生在我身上或落入我手中
而且每次選擇學校志願時
更邪得可怕
小學志願派第4
中學志願都是派第4
IVE選科志願亦都是派第4
看來我永遠也脫離不到4吧!!!!

今日終於都係放榜日
我同我阿媽一齊番學校
佢係操場等
而我就入禮堂
聽完校長講完一輪
跟住就上課室
係派成績時
我一聽到平時全班第1果個都係得15分既時候
我就知我唔可以升讀原校
不過我以為我差極都可以有10分
點知都係得8分
不過我知我已經盡左力
所以都唔會太過唔開心
而且我全部合格
已經好過人地高分
but英文唔合格果d架喇
之後我就同我媽媽回家報ive既課程