琴晚一行六人去左咖啡灣過中秋~

玩到大約2點幾返屋企

仲係葵芳到撞到成班小學同學添，有健偉啦~余億啦~

仲有我好想見佢既耀榮啦~仲有其他人的不過我唔認得佢地

靜係認得佢地3個囉~同健偉佢講左幾句

不過耀榮佢就冇啦~靜係叫左佢一聲

但係我叫佢果陣佢好似唔認得我咁= =真失望~kaka

不過佢都應該知我係邊個啦~

佢變左勁多囉~之前佢係顧中讀果陣見到佢(中一果陣)

都冇咩變到，估唔到依家變左咁多=0=

跟住我地就去搭車啦~勁多人呀....

係巴士到逼到死呀~搞到我，惠明同惠冰要企係樓梯到呀= =

仲要比人望住晒=,=

去到沙灘到仲多人，我地好唔容易先搵到地方落腳

見到人地係到bbq好想b

其實去到都冇咩點玩，靜係玩下水玩下沙，螢光棒同蠟燭

跟住點幾就搭車走人啦~

之後我，惠明同惠冰就去左ok到食宵夜啦~

返到屋企都差唔多3點啦~

返到屋企係地下到訓著左= =不過一陣姐

跟住就即刻去沖涼洗頭刷牙訓覺~

今日係星期五加中秋節~

係到祝大家中秋節快樂，大家今晚一定有好多節目啦~

中秋節係團圓既日子，大家記得食埋飯先出去玩啦

講起中秋節，我仲好記得六年班果年既中秋節

估唔到我咁好記性仲記得發生左咩事=3=

不過諗起都係件開心事黎既

跟住第2日返到學勁樣衰囉

講左我鐘意邊個比陳生聽啦~點知佢好講唔講= =

講左比個多口既人聽

搞到好多人都知道左=口=

真係比佢吹脹囉

不過我都冇怪過佢~

打到呢到先啦~要食飯啦我

一陣仲要出去~