今日無無聊聊咁又過左一日啦~

不過點都覺得9月過得好慢

返左學好似好耐咁，不過其實得2個幾禮拜

今日生物默書竟然會唔識= =琴晚溫左咁耐都是廢的....

放學行過顧中果到見到佢好耐冇見既同學，佢都變左好多

都記得佢個名既，不過冇叫佢，因為隔住條馬路

呢排見到d人個個都變左好多~

真係歲月不饒人....

行到差唔多到健康院果到，閒到一陣好熟悉既味---火水味

以前係大陸嫲嫲透爐起火都會用到火水

所以一閒到就知係咩味~

好懷念果隻味同係大陸既時候...

今日放學遲左勁多，因為最後一堂係上中文....

都唔知點解上親中文堂都會遲放的

中文勁激囉~最低分果行要罰抄，如果係第5行

基本上係第1行同第5行咩啦<----唔知點講好，唔知算唔算係到鬥= =

第5行d人好慘囉~要抄成20次呀

d人都唔好咁咩啦~抄咁多，真係驚佢地前世未抄過書咩...都xy的

雖則我之前都抄過幾次，但係加埋都冇20次咁多....

我都好破例咁舉左一次手，上左差唔多2個禮拜

我只係舉過手2次~f.1同f.2我印象中係未舉過手嫁囉中文堂~

不過我舉果次係唔關事的...請不要誤會~thx~

講真我唔係咁like上中文囉~miss佢係逼人舉手的

又用果d計分制，最低分要罰抄

我就覺得上堂係咪一定要用呢種強迫既手法呢~而且都會有d唔公平

就算係都唔好用罰抄啦~我覺得罰抄係件好慘既事黎囉