好想返返去19號呀....

好懷念呀...

每次諗起都會覺得好感動

好想喊...

經過今次簽唱會後

更愛JAY了!!!!

對住杰倫講左句:杰倫~我愛你!

之後杰倫望住我笑住咁同我講謝謝囉..

落左台,,喊左出黎囉..

真係超開心呀..

19號係杰倫簽唱會既大日子呀...

同gogo 2個5點已經出發去啦..

本身較左2個鬧鐘,,

點知都唔醒囉...

好彩gogo4點8 打比我囉...

如果唔係都唔知會訓到幾點呀..

勁快收拾完d野...出發啦!!!

6點2,3去到,,,但商場要7點先開門..

JAY係何等人物呀,,都唔知點解揀呢個商場..

估唔到有人仲早過我地,,,擺明就係露營嫁啦

我地個位都ok啦,,對正個台..

估唔到會撞到蛋黃喎..一齊啦咁..

本身冇諗過同discuss d人..

估唔到最後我地都一齊呀...真有緣..

之後又撞到學校既同學呀..一齊啦咁又..

一路吹下水玩下啤牌...等時間過去..

F.5既都有幾個...

估唔到大家考完會考都打算去台灣呀

可以約埋一齊呀,,因為大家目標一樣呀!!!

深圳演唱會係咪去嫁!?

2點幾開始就狂播歌同mv啦...

跟住我地果到就一路唱歌唱到超大聲咁等杰倫出黎啦..

好唔容易先等到4點呀...

就第一時間比杰倫出黎啦..

又要整埋d野呀..

我地果邊真係超大聲囉..

有次大聲到d記者都影過黎我地果邊囉...超high呀..

杰倫都應該有望我地呀..

唱左稻香呀..

live超屌的!!!

真係嗌到聲到沙埋囉...

之後杰倫就去左做一陣訪問啦

跟住就開始簽名啦...

2千蚊果d簽先..之後JAY2U..一直落啦..

不過簽完JAY2U之後唔知發生咩事喎..

d人係咁狂插隊囉..

扮晒係2千蚊果d呀..

gogo既一句:唔好博大霧啦!!

超勁囉..d人即刻走晒出黎..

之後更加唔知發生咩事,,

係上面d人走晒落黎囉,,,我地果d6點幾7點既都未簽..

幾時到你地呀!?

明知係JAY既簽唱會就安排得好D啦,,

之後我地咪又衝晒落去囉..

真係逼到咩咁呀,,,新年返大陸都冇咁逼呀

幾經辛苦,,終於都可以走到入去簽名通道囉..

一路行,,一路緊張..

其實我之前已經諗好左講咩嫁啦..

我以為我會緊張到會講唔到囉...

好彩最後都講到呀..

係沙左聲對杰倫講:杰倫~我愛你!

我自己都差d聽唔到呀,,估唔到杰倫會聽到囉..

佢仲同我望住我笑住講謝謝囉..

果陣我已經唔係對正,,比人推過左少少..

杰倫都望過黎同我講囉..爆開心呀..

超近距離見到杰倫呀...真係爆令仔,,超級十分令仔呀

杰倫皮膚超好呀,,,好想摸下佢呀..

個個都係咁講的..

d食焦好討厭,,冇食焦,,可能會握到手呀!!!

好想影相...

同杰倫講完我愛你,,落到台喊左囉..

因為真係好開心好感動呀..

如果我係杰倫面前喊左,,唔知佢會唔會黎安慰我呢!?

好想時間一路停留係果一刻呀..

今次之後又唔知要等幾時啦..

每次諗起都好開心又好想喊呀..

唔會忘記今次呀!!!

杰倫真係爆令仔呀!!!!!!!!!唔係講假..

唔知杰倫會唔會記得我呢?一點點印象都好呀!!