今日整天的玩樂...
雖然好開心...  (唔記得影下相tim!)
但會令我明天十分苦惱...交功課呀!!!
未做曬呀!!!

完全同腦海中的不一樣!!!!!
都話...人生係充滿變數...
不過都唔洗差咁遠下話........

===============今日行蹤===============

今日的gathering...其實是出於panda的"不如我地搞個06大事回顧"
但搞手其實是我...

同panda早上食過了津津早餐(我相信我好一排都唔會再食!)
11點半出發...去唱k...
出發前都話..."不如打比欣欣問下係邊啦"
但結果係無人打...
最後...佢都係遲d黎...
5個人比左大房...加上...唔知點講...
感覺就是怪怪的

3點幾唱完...36蚊!?  都幾平 (野飲任飲)
欣欣回家...相信佢至少有好幾星期無返過去
其餘去我家鋤dee = ="
唔知點解有好多4條&同花順


5點幾去買野食打邊爐
原來total都係買左約230 ... (連野飲)
其實如果6個人食既話...我覺得差唔多...不過無啦啦得返5個...
欣欣唔食...因為返左屋企食飯...所以都遲黎左
落去接佢...見到佢拎左兩大袋野...似搬家多 = ="

欣欣10點左右走左

5條友繼續吹水...可能因為開左窗...
我地又傾得太開心同興奮,比人投訴嘈...
有人按門鐘我都知咩事(之前都試過)
都係保安上黎話有人投訴我地嘈囉...不過都差唔多1點...
正在ready走人

======================================

大事回顧...其實咪姐係吹水...
不過諗諗下又好似...真係無乜咁同佢地咁吹水...不過少左barry囉
佢地個個都同一間小學係到吹水...我只係可以o嘴
我地講中學野...個圏子同欣欣又好似有d唔同...佢又只係呆坐
講咩都有人搭唔到訕...
我同欣欣就好似兩個不相連既單位一樣
好似搵唔到共有話題咁
或者係中學未同過班掛...
難怪平時唔知點同佢傾計既
欣欣好早就走左...因為佢要去睇戲...
佢似...返屋企搞家事多過黎gathering (my feeling only)
不過有到都好好嫁啦...因為佢太難約...

覺得咁打邊爐係好過出去打...平d同好似易傾計d
不過要執野煩d囉...真係唔該futfut洗曬d 野 
(其實係咪因為佢無去買野開野所以佢洗碗?)