今日9點幾就起左身...約左panda國寶唱k+踩單車
以為唱完至踩...點知係踩去唱再踩  = ="

見到我單車...比人偷左對"腳雞" ...攪到後look甩出黎...唉...
去到單車鋪用左10蚊整好,以為一切正常
踩去唱K...唱完之後個後呔無曬氣...姐係爆左...又要去換 = ="
係三星個頭換既話都係25...LEE頭要30...蝕左5蚊呀

唱K...OK既...3個人比左個大房....最估唔到既係...國寶唱歌好好聽
不過D野食就真係...唉...個飯真係唔食得人,我杯明明係華田...
但係...完全無華田味囉!!!!
有既係個D...花旗心糖既味...一D都唔好味囉...我最初以為係我既幻覺
但係佢地飲過都係有同感...唉...算啦...係我黑仔
不過時間好似短左D...可能因為D學生開學完個個走去唱K掛

踩單車既路線...完全唔清楚!!只係知由元朗踩去流浮山姐
好似係由工業村個頭開始...踩踩踩踩去...
其實我係第一次走LEE條路...風景十分好,好有以前返大陸既FEEL
不過條路就...崎嶇左D...我部車無備震嫁...
踩踩下去到一條大直路...佢地話之後有條好長既斜路要係到開始爆...
當我爆完之後...點解...條斜路咁短既!?!?
原來之後個條大直路後至係個條長命斜...唉...比人坤左囉

斜路中途有間警察既槍房...有個阿叔係到洗緊車...
傾左陣...個時我至知...LEE頭係咁近大陸 = ="
真係一河之隔...見到條河真係...細!

中途無乜野都係睇下風景咁...去到流浮山......
乜流浮山咁既咩!? 可能細個個時真係太細...完全唔同既好似...
補給完行左陣...去左蠔田到睇下風景 ...無人有相機...所以無相睇

繼續行程...
但開始無耐...PANDA腳抽根!
後期行程都因為 PANDA腳抽根而多左休息
但回程既路好踩好多啦...多數都係馬路+單車徑...
回程路線:
踩去天水圍回程返元朗
去到天水圍同一個地方...見到個景...諗返起以前同小花踩單車...天水圍發展得真快 = ="

其實一路上...好多時都係我行先...
可能係因為快至有風...舒服d...同腳會無咁攰...但要成日等佢地...
其實係我快...定係佢地慢?
單車性能黎講...我個部都叫最差啦掛...
真係奇怪 = ="

返屋企買左個m記食...其實今日身上無乜錢...
買m記既時候得$22.6...差2豪(毛)至買到我想買既餐...所以買左第二個...

唔知係唔夠訓定山路太崎嶇係咁"登"定太陽太曬太熱定咩啦
有d頭痛既feel...小小似中暑

但係今晚都係出左去同futfut佢地食宵夜傾大學選科既野...
futfut要入佢想讀既野...的確十分極之有難度...睇佢都要搵定後路...