好想寫低我既感覺
除左比我自己有個回憶
都好比你知我既感覺同發生過既事
如果睇完有咩唔開心記得同我講呀XD
ocamp 係8月11至14
但係我8月10就要返去開始準備啦~
入camp前同你嘈到咁夜,其實好影響我既心情同精神(唔夠訓)
DAY 0:
不過7點幾入到去見到d 組mate
心情馬上進入工作mode
個個都未到,得MK係到,同左佢去食個DINNER就開始整野
整個枱飾,加D皇冠比個鐘
之後齊人諗返個BEAT有冇野改
就練BEAT啦,成日記唔到囉!!!
不過我覺得個BEAT好正,勁鍾意,MK好勁...
之後落去DEM大組BEAT
易好多囉同細組beat比
因為要放野,成組去阿細聰房
作47,諗下野傾下...訓左...
DAY 1:
6點幾7點就要起身,食完早餐我同ricky上左去放野
點知比d 人 fake左,原來個個都要落去嶺南場
見到D仔,同睇相差唔多,其實感覺上都幾好,無相個D都唔算太差
之後見到個女,同FACEBOOK張相完全唔同樣囉!
唔算太好樣一開始有D失望,不過玩落真係唔同晒...
D仔唔多出聲,同佢傾計都無乜反應
相反同個女一齊,你唔講野佢都勁多野同你講
好難怪個個都想圍住佢...
玩GAME...佢地好勁,一開始玩毛毛蟲同人肉SMS都係第一
SMS係阿程好勁,估得好勁!
大家樂個英文名 CAFE DE CORAL
聽到CAFE D就已經估到!!
我諗係我既話...聽晒成個都估唔到...
之後佢話,我聽到CAFE都已經諗起,因為日日食...
毛毛蟲其實我地都係好運...因為我地打算唔ATTACK
但係唔知點解對手會比我地KO左咁多個波...
之後個殘奧比人屈機!!
我地組明明都未SET好D野就話要開始
問緊個GAME要點玩人地已經去到終點
不過算啦~
練舞,地點好差,又熱又曬,真係死得
不過我都未跳過黃金戰士...覺得好得意
本身會有YMCA,但係因為太熱,明明兩個幾鐘幾練習時間CUT到1個鐘
但係其實我好想學...因為我未玩過YMCA...
之後返左宿小休,做過咩我都唔記得LU
食飯同CU HUNT
玩CU HUNT既時候我同阿程去左買野返宿
佢地一開始就要入SHAW...
我地係烽火台到等佢地
去到女工既時候....我好順手咁買左條冰條食XD
睇見佢地好認真咁玩,我就諗起當年我地HEA到11點幾就返左宿
除左係我地當年唔想咁辛苦之外,好主要係因為D組爸媽都好HEA唔想玩...
睇住佢地玩得咁開心,我都好努力咁同佢地一齊玩
去到最後一個CHECK POINT既時候
我地個組仔毅攰過頭抽根,睇到佢都覺得佢辛苦!!!
之後我地都玩完個GAME,真係勁辛苦囉個GAME!
因為唔夠人所以我又要一齊玩,玩完我係成個人,係成個人都濕晒!
返宿所有人整好個人,黎傾計
唔知點解講講下,去左D好嚴肅既話題...
最後D人好似死晒咁...好在MK剛剛返到,玩左一陣
唔係真係好奇怪...
自己幾個組爸媽傾計既時候
MANDY話,太多人圍住阿JOYCE
我第一時間會諗下自己,我有冇成日係佢身邊呢?
我又唔覺得特別有...因為好以我無乜主動咁行過去搵佢
不過佢行到過黎就緊有講幾句既
但係又好似佢真係成日比人圍咁...
之後又話今次D對話唔應該咁早講,咁正經既學術野至少都DAY2 DAY3講
而我都覺得係既...咁就無左一個齊人既夜晚...
收到茶比我既SMS,話我唔打電話比佢
但係訓教時間已經4-5點,我真係打唔落手
同埋其實我以為11點幾12點打去個次都算係...
見到SMS既內容,諗好多野,好唔開心
但係唔想影響到玩OCAMP心情...好好CONTROL一下自己
DAY 2:
一起身食完野就玩大組競技
收買佬無乜野,大地震都好正常
直至玩扯大纜...
我地組只係用左10秒就KO左對手
10秒咋!!!
事後問返佢地,佢地講,話都無乜用過力...條線MOVE得重快過佢地自己拉
即係話...主要係阿毅自己拉...
但係當我問阿毅既時候,佢係話: 其實我都未用全力...
之後可能因為係個GAME到做左HERO
佢多左野講,有多左自信,佢兩個同房重話
第一日無野講,第二日就勁多野講!
系會時間訓了,遊LAB時間去左教一教澔彈GUITAR
可惜既係我太遲啦,早D會好D,不過都好既,至到都有馬上既改變
有少少用力改進已經自然好多
上左LAB教D仔女用CUSIS (但係我自己都唔多識XD)
咁啱坐左係阿JOYCE同阿毅中間
點知打算我慢慢教佢兩個既時候,RICKY無啦啦走左過黎
重要只係教JOYCE一個,其實個時我真係有D嬲
坐係阿JOYCE隔離個兩個仔無人理
重要走過黎教阿JOYCE唔理兩個仔 (唔係阿JOYCE主動叫佢黎)
出去既話阿毅又係入面無人理(佢重要係1.5,唔理唔係咁好)
不過我都出左去關心一下個兩個仔...不過好對唔住既係我都唔係好識
教唔到你好多野...
之後玩創舉,都係砌大圖寫下野影下相
其實BEAR都講得幾啱,我個班仔個個都好似樣...我依家都有時會記錯...
個個都咁上下身型,又係黑色粗框眼鏡...
TRANSIT時間同佢地傾,其實都好難傾
有D鍾意SPORT既,我講,其他又好靜
有D鍾意MUSIC既,我講,其他又好悶
最好都係講打機玩具個D,個個都會有反應... (咁係咪即係宅男同毒男多...?)
睇SHOW,咁啱阿JOYCE坐我隔離
教佢點聽BAND同咩黎,但係我唔明,明明都有玩開MUSIC
重要係想入音樂系既人(都唔明點解FIRST係MUSIC,SECOND會係CS = =")
點解會聽唔到BASS...
BA仔好正好搞笑,BA仔打鼓真係好型!
雖然佢係打機打返黎未打過真鼓,但係我覺得佢好過好多學過幾個月既人囉!
佢講MAGIC雖然係好低能,不過令到個氣氛好正
今年好慘,係同MAT(即係數學系)互片
真係毒鬥毒...不過可能因為咁,D片真係好好笑...
係咁話人無女呀,好毒呀咁
DAY2我都覺得RICKY成日好主動咁搵阿JOYCE
我同阿程都FEEL到LEE件事
阿程都好老實咁講,有時佢都好想搵阿JOYCE玩同傾計
不過無理由個個都走過去唔理其他人
係都唔洗做到咁出面,重要LEE組得一個女仔
可能DAY 1 既時候JOYCE講得多"有借有還"
即係企係人隔離乘涼之後都幫返人用扇
D仔都開始"有借有還"
突然覺得,負出係有回報架啦 T_T
而可能因為阿JOYCE成日過黎痴扇話好涼涼過其他人
都開始好多仔橫企係我隔離XD
片完回宿
其實我唔係好明白,點解阿JOYCE會成日過黎搵我玩
行上山既時候係咁拉住我個背囊...
明明RICKY係好前面行緊,見到阿JOYCE同緊我玩
行左後黎拉住阿JOYCE個背囊...
其實我初初唔知...因為我真係攰叫佢唔好拉既時候
原來RICKY係後面拉緊 = ="
11點幾
個個都整理好佢地個人,黎玩GAME
本身係打算12點幾玩DETECTIVE GAME
所以開卡GAME玩,DELL同UNO,我話玩UNO (無諗D咩,只係唔想用咁多腦)
RICKY堅持玩DELL,話好玩D
阿程話唔玩,本身我要玩,不過剛剛好阿JOYCE入黎
推左佢去死XD
本身我同阿程坐左係死角想HEA下,因為兩日黎都幾攰...
之後變左左邊阿JOYCE右邊阿程
阿JOYCE叫我幫佢按下右面膀頭
咁我幫下佢啦...佢膀頭都幾厚...之後佢話,成日要拉幾十KG GIP走
重要左一袋右一袋,長期TRAIN返黎
聽到之後...我心諗...咁係咪個個去外國讀書咁上下時間既女仔都會係咁...
之後佢講佢成日都右面膀頭痛
我又開始入MODE講野...一D我識既理論
講完阿程呆左,話:嘩,阿康,點解好似問你乜野都識咁既
平時都唔覺得你識咁多野
我諗我係大學真係摺左少少...LEE D咁多人知既野原來大學無乜人知XD
JOYCE無再玩DELL同我同阿程傾計
阿程又問我佢隻手可以點,我話睇中醫
最估唔到係...阿JOYCE話佢唔睇西醫,但係外國無中醫...係外國佢病都唔睇西醫= ="
之後 RICKY又加入黎講睇相
最後好似小圈子左...
12點幾,打算落去既時候
OC又話改左去1點幾
轉講鬼故因為頭先傾傾下我講左少少,佢地話要聽
但係講完最後個個都係到笑XD
MANDY講故既時候,會扮鬼樣,真係嚇到D組仔...
同埋老實...我都覺得佢個一個樣好嚇得下人...
之後我講我阿姨個D故事佢地聽...佢地真係堅驚...
去到重點既時候,1點幾...要落去...
點知落到去既時候,OC話要玩一個鐘MC KILLER先
D仔唔知既,不過我地就好燥,因為明明12點幾話玩
已經1點幾落左黎,重要HEA多成個鐘,2點幾至玩
玩完最快都要4點啦,即係我地今日唔洗玩房GAME
可惜我地嘈完佢地都唔放人,唔比佢地玩KILLER既時間放返上去玩房GAME
我地幾個返返上去
傾左一陣,話頭先玩卡GAME太過少圈子,傾計既傾計,玩既玩
唔知點解,我覺得今次話緊既係我...雖然話玩DELL既唔係我
而且我覺得唔玩DELL既人傾計好正常,不過我都覺得我身為組爸帶頭小圈子係有問題既...
傾完訓左
我訓到3點幾4點起身,因為阿翰上黎訓,RICKY鼻寒又太大聲
我唔夠位放手上耳仔,訓唔到起左身
今日茶心情好返D,問我星期五可唔可以比到時間佢同佢睇流星
但係星期五係食宵,好難行得開...我知佢會唔開心,不過我都無法子
睇流星,雖然年年都唔同,不過至少年年都有機會去
OCAMP過左今年,我唔會再有得玩,就算返黎,都已經唔再係細組入面既成員
我YEAR1 YEAR2因為同茶一齊,已經失去左好多大學想得到既野
我唔想再失去令自己後悔
見MK坐左係出面等D仔玩完GAME返黎
我就同佢一齊等,順手睇下個天有冇流星(不過睇唔到)
聽到人地房玩GAME玩到好大聲,我都好想佢地快D返黎一齊玩
不過可惜既係,佢地返黎已經5點
個個都去訓
得幾個黎玩,好在阿彪又剛剛黎左JOIN我地
玩左陣STOP THE BUS
但係食完野迪明同阿KEN都返去訓...
得返我,MK,阿彪,阿毅同埋JOYCE係到
阿彪開始講話玩爆房GAME...
由非洲話事啤決定邊個玩
玩玩下見到阿澔,JOIN埋一齊玩
玩到7點左右,阿毅,阿彪同阿澔去左訓
得返我同MK同JOYCE...得返個幾鐘我地唔想訓...因為訓完重辛苦...
最後玩鬥地主
但係用非洲話事啤既KING SIZE牌玩...(頭先非洲話事啤又用細牌玩= =")
差唔多8點既時候,去左DEM BEAT叫人起身!!
24小時的DAY 2完結
DAY 3:
聽日寫,好眼訓...
| 
