唔知點解,lee幾日都唔夠訓
明明無做過d咩,但係又唔想訓

日文無溫幾日,咩都唔識唔記得咁
睇黎學日文真係要花好多時間至得

星期五本身想溫日文 or 做功課
但係最後因為屋企既風扇無人得閒拎去整
我返入元朗再去荃灣...
行到身水身汗至搵到
個d lift重要唔知點解會飛lift...睇住佢明明就到架啦
無啦啦個燈熄左...我都o左...

咁啱又係組聚係荃灣
整完去左m記坐一坐
唔想拎住個扇葉周圍走,call左我家姐黎拎

去到荃灣都係食大排檔
唔知點解咁多次同佢地一齊都係食大排檔架呢?
個阿tim,無人同佢傾計,佢又唔同人傾計
無玩ocamp,跟到人同我地組聚,但係都係埋唔到圈子...
有d似我無玩大o好難入到shaw個圈子咁

星期六朝去左同amy個妹補習
真心覺得佢個妹數學好唔得= ="
重要英文都唔好,題目都解唔到
我都唔知點算好

amy要去旺角,我返屋企
傾左一陣,原來佢係單親家庭
其實我都唔知我係唔記得左定係無聽佢講過...
但係一直都係覺得佢只有媽媽咁
我諗...應該係初初識既時候講過掛...

返到元朗hea一陣就去BBQ
其實天氣咁熱,個個都唔想BBQ
但係又唔知點解會去左BBQ= ="
今日差左欣欣就可以整人影返張相
其實估唔到,福生會同女朋友屋企唔夾
其實我好少BBQ會食到好飽
但係今次食到好飽...可能...因為食左4個腸仔包?
走既時候落雨
一陣CALL 8折的,最後都係無,去左截
80蚊回家
我都第一晚回到朗屏訓
無開冷氣,有D熱...

11點元朗補習
唔明自己點解要4點訓10點起身...

可能新開學,好多野都唔記得
我又唔習慣,講左兩個鐘,好在佢好精神聽我講
見到佢完全唔明白咩叫二進制,覺得好好笑又好無奈
收錢既時候,可能我覺得中三應該係收120,同埋收開120
收到200蚊既時候,諗緊,點解咁少架呢?
不過算啦,今年都係唔加佢...下年再繼續既話至加多D...

補完返屋企,阿哥睇緊唐山大地震
不過睇睇下阿姨黎左
我唔小心又訓左

起身去左個邊屋簽新租約
其實佢都好好人,個仔都幾靚仔,但係個女就肥左少少XD

同阿哥去左買S95,佢話無現貨原本打算訂
佢話訂會比多一張8GB
點知佢以為我哥真係好急用去旅行
去左拎人地訂左比第二個客既機我哥
(點解我地知呢,因為個盒上面本身有張紙,估計係訂個人既資料)

但係都因為咁,搞到無左張8GB卡之餘
要我地等左好耐,我地遲左去食飯...

今日係屋企下面既酒樓食飯
比友叔酌左杯紅酒...
飲完好眼訓...有D頭痛...

返到宿做日文...溫書
最後DROP左4210...
因為想多D時間做FYP...