原來自己真的很喜歡藝術
很喜歡畫畫
就算是以前相對不喜歡的素描(可能因為自己無學過,覺得畫得唔好)
現在都很喜歡很喜歡
或者都已經太遲了
如果早一兩年清楚明白
可能我會很努力的去學藝術
去讀fine art的course

日本真係好難
其實好多野要記
但係當學學下,明白左少少句子結構既時候
諗返起睇卡通片既對白
明白得多左,原來真係會幾開心
但係點解自己唔先好好去學好英文呢?
或者我最先應該學好中文...

原來每一件事發生
都會諗好多野
好多好多既可能
好多好多既決選
我唔希望會有決選
或者是我從來都不喜歡做決選的人

今日中秋節
最後我都無返屋企
留左係lab同班同學玩
打機就沒有,不過打麻將玩啤牌
贏左40蚊tim
雖然幾日以來都好眼訓
但係唔知點解,今日玩到6點都重未死(已經好眼訓=])
原來到左year3
好多好多的心態都會唔同左
因為知道係最後一年
很多很多事,都會改變
我諗,今年真係最後一年既full-time讀書生涯啦...

其實我無諗過你真係會唔得
或者係我唔希望會成為事實
當初我中五失敗過一次,重讀的一年
感覺很難受,想逃避,但還是要面對
直到我中七高考,再一次的失敗
我明白那種感覺是怎樣的
一年又一年,自己到底做緊咩
點解要浪費咁多既時間,重有屋企既錢
最後我逃避了
讀IVE其實我係因為不想再面對公開考試既壓力
我怕再一次既失敗
當時屋企既環境真係唔好,其實差緊人好多錢
我覺得自己去左讀IVE真係加重左屋企既經費負擔
用錢少得都少,盡量唔想問屋企人拎錢
無諗過上大學,更加無諗過會入中大
其實屋企真係一個好大既原因會令我去中大而無去POLY
就係面子,唔係自己既面子,而係屋企人,尤其係父母對住親戚既面子

雖然數字上分別好大,但其實我真係明白你既感覺
時間已經過左,所有野都無可改變
第一次失敗,我無能力去改變你,都幫唔到你
希望今次,你真真正正可以去改變,為自己,為屋企人