阿哥終於結左婚
9月30日係香港擺酒
做陪郎既我當然唔會再拎到相機周圍影
第一次參加結婚既我咩都唔識
接新婚既時候比人玩,不過都幾開心
一直都好怕做錯野,最後都好在無乜大問題
(只係唔記得左比利是28座個司機)

其實見到佢地,聽埋講既野
真係好感動好感動,差少少就喊左出黎
不過唔係好想喊
見到阿媽喊,阿爸都眼濕濕,第一次的確係感觸良多既

D人都好比面,好多人都到左,重要好厚禮
我諗去到我既時候,應該咩熱情都會過去=]

成日好攰,但係好開心

10月1日返大陸擺酒
可能都係唔夠訓,加上十一既關係塞左成個鐘車
我就係車到訓左差唔多兩個鐘

今日無野做,我又做返我要做既攝影師
大陸擺酒真係差好多,好亂
加上D阿叔,一個話咁做,一個又話唔係咁
亂上加亂,如果家姐返去擺既話
我諗我屋企D人唔會再理佢地,自己用自己既方式去做好佢

兩日都天公造美完晒至落大雨
個天都好比面我哥

幾日既假期,又好似無放過假咁
雖然好攰好攰,但係都係開心既~
但係下星期學校既野
又要交畫,又要FYP,日文又好多野未溫,重要有份GAME未做= ="
回到現實又真係唔係好想...

最近成日係到諗
人同人既關係,其實真係好似起屋咁
拆毀好快,建設好難
自己又成日記得有D咩做得唔女子
有時又真係好想無啦啦去搵返D舊朋友
好想問佢地講好多野
有誤會既好想去解釋返
不過我諗,好多人,都唔會再有機會見