雖然...今日係假期，但係我無出街玩！！全日響屋企做家務，流到成身汗。(一定減到肥！ )太約六點到，就落左樓下食車仔麵、檸檬茶加甜品！！好滿足(可能係辛苦左成日掛...)如果我日日都可能咁就好囉~~之後就去左借隻歌劇魅影，勁好睇！又好聽！中氣十足！！其實我好耐之前就聽過歌劇魅影o既CD，係我小家姐買架！！o個時我好細個，唔係好識欣賞，又唔知佢唱咩喎，只係覺得就歌幾好聽！雖然...而家o既我都係聽唔知佢地唱咩，但係呢個世界上有字幕呢樣野 終於明白佢個故事講咩！！如果我係個女主角就好啦> <人靚聲甜！！仲有男人搶住要！！幾好啊！！睇完隻歌劇魅影都8點半....(成碟睇左我兩個鐘)時候剛剛好，開電腦玩下！！到左9點...就去沖涼，沖完涼就差唔多做浪漫滿屋！！下個星期大結局啦^^好想快D知道李英宰、韓智恩會點> <不過....又好唔捨得喎！！！