唔知點解啦....真係覺得自己好傻！可能係真的鐘意左一個人就會係咁~日日都會白白癡癡O既等佢電話！自己又驚打電話俾佢會煩到佢做野~但係自己又鬼咁想聽到佢把聲！有好多人都唔會相信遠距離o既愛情，我之前都唔信架~不過人就係咁架啦！唔試過你點會知，一個響香港一個響馬來西亞！我苦心自問我自己係非常之咁鐘意佢，升到上去愛佢都重得！但係佢呢？？我好想信佢講o既野~但係......點解我一D都感覺唔到佢緊張我！我有時真係好嬲佢，但係....一聽到佢把聲就......個心又軟！有次仲嬲到send左個短訊要分開下！但係佢之後又打過電話黎，仲講D咩...你會識到比我更好o既男仔！！又話會響21歲娶我！又話結左婚之後只會要我做少奶奶幫佢響屋企照顧住我地D細路就得！搞到我成日都幻想我地o既未來日活會係點！但係我好驚~我驚o既係....如果我地冇之後...冇未來咁我會點呢？我好想好勇就咁愛佢，但係...又驚自己愛得愈深傷得愈深~點解喎......我鐘意d男仔o個個都唔響香港~我只係想......佢會留意我多D姐~我知我自己咁樣好自私~我知佢有佢o既事業，我知佢好忙！不過...邊個女仔唔多男友可以日日都o啦緊張佢，日日都講D甜到入心o既說話俾佢聽......點解一定要女仔等男仔呢？...........但係...白癡低能o既我最終都係選擇等佢，等佢打黎！等佢做完野！等佢21歲！等佢黎香港！等佢同我一齊有一個家.......唔通我個世界只會有等字？？