今日假後第一日上堂啊，我要留心聽書啊...
好開心我係每一堂都定睛望住老師嫁，唔係呆過種，真係有聽書嫁。
上宗教堂的時候，楊sir要我地根據我地係呢一課所學過的野(約瑟的經歷，神怎樣與他同在...)，派左一張工作紙俾我地，內面有不同人(全部都係經歷一d病)，要我地寫一封信去安慰佢啊....嘩，真係好感人啊，真人真事，劉志輝患有癌症，但佢女友都對不離不棄!!呢d先叫經得起ga愛情啊...仲話下年要同佢結婚，睇完真係勁感動，寫左好多野，唔知點解啊，控制唔到自己的手，不斷咁揮動支筆，再一次的感觸><...希望主繼續去帶領你啦，如果主要帶你返天家，可能都有他的意思，聽他的聲音吧.....他一定會與你同在的....以馬內利!!!
今天感謝神啊，我給了自己一個決定....
當派英文卷的時候，下...24.5...好彩4捨5入...合格....都係自己懶啦，無溫書!!點知望多兩望，有個錯字ow，如果改錯埋咪唔合格囉....出唔出去改返好呢...如果改左又要補測，好麻煩啊，唔出又好似對唔住自己&神，同神講過話要做好一個基督徒，連自己過關都過唔到，唉...唔得....跟住向神祈禱....
可能神聽左我的禱告啊....我見到最尾過part有3分未加....
加埋分有25分...過一刻...真係唔知講咩好，唯有向神感恩。
有好多時，神都會從另外一方面話俾你知點做嫁!!!
下午團契職員有祈禱會，分享返聖誕節過陣時d野，嘩....今個聖誕節都可算是充實lu....不停咁查經，讀經....哈，不過得著都唔少，以前都唔係幾鍾意查經嫁，覺得超悶啊...不過以家好唔同啊，從不同的方法去查經，真係唔錯嫁，如果團契都可以咁就好啦...^^
放學過陣自己去左自修室溫書，感覺唔錯，不過訓左一陣，訓到暈暈地，跟住去廁所洗個面繼續....7點幾歸家去了....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
過分啊....龍曲騏....係咁叫我阿妹個花名.....!!!!!
|
