大家農曆新年快樂啊....又大一歲嫁啦!!!要生性啦~~~
願主祝福各位，主的恩典滿載....每一位未信主的朋友都可以接受主的愛!!
講下我的新年願望!!!
1.要做好的見證...
2.經歷神更多
3.努力讀好我的書
4.團契及教會的人數蒸蒸日上
5.要愛人如己
6.我要發掘我的興趣－音樂
我的願望都唔算多姐，我相信有主的同在&自己的努力，一定可以做到的。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日耶底底亞要做招待，所以返左祈禱會，我都估到今日會好少人返...
不過唔緊要，主仍然照住我地嫁!!
今日connie姐講道，"門徒的人生優先次序"
信左主的弟兄姊妹就會好清楚，我地會好清楚生存目的，所經歷的可能都不同，
未信的會有憂慮，憂慮的可能是物質上的東西；基督徒就不是，我們已經有了一個盼望，可不用擔心甚麼了!!
「你們要先求他的國和他的義，這些東西都是加給你們的。」(太6:33)
返完教會陪阿爸去飲茶，個財神係酒樓派利是，朱古力=.=....
阿爸問我駛唔駛同財神影相啊=3=
我無理佢~........
飲完茶同lonok，政豫，曲騏，阿南去沙田睇戲，點知排左勁長條龍，買飛過陣已經無晒位，跟住我地只好去希爾頓睇啦，無魔幻王國，唯有睇霍元甲啦...
都唔錯啊!!幾好睇...又係運用左倒序&插序，我發覺好多戲都係咁....
首先講以家，跟住又講返以前，跟住又講返以家ow...~~~~~~
5點幾返屋企，要去姑媽屋企拜年....
希雅又得意左啦!!!識講好多野，笑死....
講故事俾我地聽，講完之後得舅父一個啪掌，佢話，得一個人拍掌嫁炸...
真係笑死我地....
我發覺以家d小朋友越黎越叻啦...
最後走過陣，同我講...陳煒哥哥好掛住你，你多d上黎啊...
聽完勁感動....我實會多d上黎....!!!
聽晚幫曲騏慶祝生日啊，d人順便上黎打埋邊爐