今日預早左時間返教會啊,,,9點20分就返到去啦
同神約會最好就唔好遲到啦..^^
唔知點解,每一次返教會的感覺都唔同
每一次返都比上次的好...感謝主^^
今日聽道有少少悶...講『同建聖殿』
話人係生ga..物係死ga...
唔一定要係聖殿先可以傳福音,事奉...
其實每一處都係聖殿...邊一處都可以傳福音,做事工的工作~~
我們可以同心合力,在每處建立聖殿,作聖靈的工作(傳道唔知係咪咁講...)
係我理解完講返出黎嫁^^
返完教會跟住同阿傑,toby,阿衡去書展...
係架巴士度真係好失禮啊...
係咁大大聲講野...好彩無著住校服炸~.~
我好似帶住3個大細佬出街咁=.=''
嘩~~好多人啊..
行左一陣,,,見到羅沛章...
呢個世界真係細啦...咁都見到~.~
之後繼續行啦...見到本靈修書...見黃蓉之前話唔知點靈修,,,
就買左本本佢...希望呢本書會幫到佢啦~~

行行下..終於俾我見到過隻『挪亞方舟驚世啟事』原聲大碟啦..
哈哈..
一隻$79,兩隻$100=.=''即是逼我買兩隻ga姐...
之後買埋隻天作之盒的原聲大碟...

勁開心囉..之前一直都搵唔到///
行到勁累...toby同阿衡狂係度打交...好煩啊...差d就想發火嫁啦..>v<
食完野我地坐天星小輪過尖沙咀轉火車~~
途中toby同阿衡肚痛,,,去廁所..呢d係咪叫報應啊^^講下笑姐...
我係通利琴行見到個口琴勁鍊...跟住買左兩個...
之前曲騏話好想買...其實我都想買..所以買左兩條...

哈~~
今日真係行到有少少累...
聽日要入夏令會啦~~
求神保守這3天的天氣,過程,安全...
希望每個人都係開心咁入去同開心咁出黎ga...都係學到野ga...
奉主名求....阿們!!