補返尋日篇日記~~希望記得做過d咩野黎啦!!
******************************************************************** 早上好早地....鰻魚打黎morning call..真好...不過~~落緊大雨啊><點算...
9點鐘同曲騏去到7仔靜係見到idol同阿彤係度等，我地等左成3-4個字佢地先黎囉..無奈~.~
去等車..d人分散晒~~又等左好耐先集齊。搭地鐵過陣仲轉錯站....唉...都係唔好提啦...
又係咁搞左一輪~~我地搭小巴過陣...落緊好大雨啊...祈禱祈禱祈禱........
去到點知^^出太陽...好開心啊...感謝主~~
我無帶衫去換啊...所以無諗住落水玩...因為我尋日玩到好攰啊..所以今日唔多想玩...
有件事令到我好憤怒啊...區啟樂竟然係我面前食煙....我最憎人食煙嫁啦...
何況佢係基督徒...我勁係度鬧佢...跟住同我講sorry,,,唉...都唔知點好...
係咪要搵d弟兄同佢傾下~.~
唔講d唔開心的事啦...其實我今日真係好開心嫁...目的唔知係黎玩啊定係為左阿林，
不過點都好啦..睇到同學都係互相關心ga...在黎石澳過程當中，大家都互相幫助，
幫大家拎野...哈...講開又講主角好似未黎ow..
阿林同阿琪好遲先黎，打俾我話唔知係邊度落車，跟住我出去接佢地...
好慘啊..行出去過陣...岩岩又落雨~.~
我總覺得今日係出黎玩多過幫阿林慶祝囉...哈...其實我自己都係...無咩點同阿林傾下...
佢都就走啦...有d都唔係幾捨得佢..
沙灘的風真係好舒服啊...坐左沙灘中遠眺...真係令人身心舒暢，記返好多回憶....
我見toby同阿傑坐左係度...就走埋去搭下訕~~我都估到佢地會講緊d咩嫁啦...(傳緊福音)
之後我地傾下自己的經歷和讀經的得著~~係呢度講真係有另一番風味啊..d感覺好唔同啊^^
希望佢真係可多經歷神和可以繼續返教會啊....
之後我地鋤D...toby好茅啊...輸左唔罰,,,,係都話玩多局....唔想同佢\打囉...
打左兩局就無打啦..又走左去燒野食~......
燒到成6點幾....燒晒d野先走...分左兩批人....有d人走先...
走過陣...哈...見到青蛙啊...(我會諗起之前...浩南...哈^^)
我地搭9號巴士返去...去到筲基灣~~
阿林又話漏左個銀包係車，好彩搵得返姐....
我地之後去太和食糖水，衰曲騏~~我唔想多個仔啊...成日屈我><我有個阿妹就夠啦...
食完諗住答71k返去..點知岩岩過度去就走左班...又要等多3個字...真慘~~
*****************************************************************
唔好意思啊浩南~~今日嘈醒左你兩次添....
我問左個小朋友先影嫁,,,,不過影唔到我想影的...本來我想影佢條底褲的5星戰隊~.~
|
