尋日玩到好攰啊..所以今日訓到好遲先起身....訓到差唔多成12點啦...
跟住去食早餐+午餐~~邊食邊睇妙手人心...好好睇啊...講Edmond死左啊...哈~~
睇完之後返左學校...今日Christine姐幫我睇上為期3個月的門徒訓練課程...
好似星戰...要背經文，做家課，背目錄...第一堂就咁多野要做啦...> <
不過呢個課程對於我日後的事奉我相信一定有幫助^^
有我,toby,idol,eva,小米~~
今日講的主題是「耶穌的心腸」，我地狂咁揭聖經，聖經講晒耶穌的心腸...
一共有7種，1.順服心腸
                      2.謙卑心腸
                      3.僕人樣式的心腸
                      4.公義心腸
                      5.憐憫心腸
                      6.多祈禱心腸
                      7.愛的心腸
有好多野我都要慢慢地學習嫁...因為有好多都唔到或做得唔好嫁...
加油啊....
放左之後不斷同toby係度討論基督教與天主教的分別，其實係我問起先ga,,,
聽完佢講之後明白左好多啊...多謝你啊...
之後我地有條問題係好唔明嫁...如果基督徒同一個未信的人傳福音，之後一個天主教徒
又同過個人傳福音???咁點啊...過個人應該聽邊個講啊??
等我得閒問下tine姐先^^
我唔知做咩會陪toby去圖書館....跟住佢逼我借書先肯走...
好無辜啊...> <我咪借囉...一借借左兩本，「生命，你說！」和「21世紀神人之約」。
toby成日捉住我黎講....不過有陣時講得又真係幾有道理ga...
佢睇左一本書話...有陣時靈修的時候....無得著唔緊要...
不過有陣時靈機一動的時候就會體會到好多野...有時有d野係唔可以勉強嫁...
明就明唔明就唔明////哈...唔係我講嫁...toby講嫁~.~
曲騏之後又話叫我陪佢去睇戲ow...
我見佢一個走去奧海城...無謂掃佢興啦...咪陪佢去睇「東蔭功」
睇睇下好似好無聊咁...不過d打鬥場面好真囉..
好似話無特技嫁ow...唔知啊~.~