照常地10點鐘起身，靈完修都11點啦..好開心可以用咁長的時間同神傾計啊。
之後阿爸煮左個麵俾我食，食完做門徒訓練的功課，一做就做到兩點，之後toby打黎就一齊去m記做功課，做做下有一大班小朋友上去…好似上次咁…嘈都嘈死。之後我地搬左角落，靜好到…toby又買雪糕食啦，仲係買芒果過隻，係係度壇人地雪糕細，服左佢，成日係度吹水，又話自己係咩m記總裁，又話要倒閉呢間m記，真係唔係好想聽佢up廢話囉.…無辦法，唯有邊做邊聽當娛樂啦，好彩多得林sir係度炸…唔係我本中文作業都無咁快做完啦，佢作抒情文好掂啊，
我係咁問佢點做，佢諗d野真係唔係常人可以諗到，仲有少少誇張，不過真係講得好好，以後唔識作都等我問下佢先…哈^^
今日toby搞出個笑話黎，背聖經目錄過陣，原本係「加弗腓西」，佢背左
「加弗“肥雞”」，真係無時無刻都諗住食嫁ow…^^
idol我知你好多野要諗同唔開心啊，其實聽到你咁講，其實我都唔想你唔開心嫁，
唔好咁啦，祈禱問下神啦，可能呢次…係神俾你的試鍊啊。我都會繼續為你同你個朋 友禱告嫁^^
「不要為明天憂慮，因為明天自有明天的憂慮；一天的難處一天當就夠了。」
(馬太福音6：34)
晚上同浩南傾左陣…可能9月去學電吉他，不過唔知去邊度學…好煩啊~~
好耐無見你啦…好掛住你啊~.~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

前程錦繡…送俾idol你的…希望可以激勵到你啦^^

小小苦楚等於激勵　等於苦海翻細浪
藉著毅力　恃我志氣　總要步步前望