今日開學啦...心情好矛盾啊...又想返學...不過又唔知點咁...唔想起身~~~
我今朝俾我阿媽嘈醒，7點就醒左啦...我地今日要返9點...我約左兔比&曲騏去一齊讀經&為到呢個新學年祈禱...經過呢個暑假後...大家都成長左好多..懂得為到大家去著想...我同曲騏去到太和M記見唔到兔比...~.~就食左個早餐...當就快食完佢先黎~~我地行左去後面靈修...真係好感恩啊...神在9月一日賜了一個好好的天氣...陽光普照真的要去感恩~~我地分享完祈埋禱就出發回校,,,見到學生都是微笑著的，我相信個個學生都會好期待這一天的來臨，我都是~~
返到去...見到d同學一齊高談闊論~~每個都精神奕奕，暑假都應該差滿電啦....
係時候收拾心情去面對新學年的來臨呢....上到去見到李sir...我記錯左我之前諗過個唔係呢個...今年係mrs ng&李sir做班主任...應該都唔差ga,...
之後落左禮堂開學禮....妹妹做司儀....講得好好啊...繼續加油啦...
今次校長用八達通黎做比喻...每年都有...我覺得比喻得幾好啊.,...可增值~~
完左上返課室，今年我地班多左個留班生，賴震銘...好想認識下佢~~不過唔知點同佢講~~ 老師要我地自我介紹...話要講強項,,,~.~無咩強項嫁ow...吹水囉...哈哈...今日輪唔到我...
下午放學過陣...我同浩南同埋珊，彩霞，寶玲&佢細佬返左小學... 好早去到...同浩南等左佢地好耐先去...同小蜜蜂傾左一陣...佢好忙啊....之後走埋.... 我地自己傾...傾到話中秋可能打邊爐..希望搞得成啦...好耐無打過啦...~~ 傾到6點幾...要關門啦..我地俾校工趕走....其實坐係小學，d風吹埋黎,,,, 真係諗返起好多在小學的回憶~~
跟住我同浩南去九龍灣報名一齊group學吉他...原來係通理學都唔貴嫁ow...

學校前端改建過啊...改得好靚^^