今日照常地7點3返到去，準備好d野..今日早會要宣傳啊...一朝早toby就捉住我同阿聰係度鬧，d人話佢有x狂症，我估佢應該對呢個學生會過分緊張，佢仲緊張過主席，都唔明佢咁緊張做咩...上台介紹同講政綱，好似唔夠聲啊，我地都輸洩左一半=.=''以家都係要好好去宣傳...
第一個小息去宣傳，向f.1去宣傳，講得一班，又俾toby鬧...我已經係咁忍唔出聲嫁啦...
我覺得上物理堂係最搞野嫁..所以都要係特別咁講講...去實驗室做實驗~~用返宗教堂的分組，嘉俊好好好笑，將保險絲整斷左....都唔知佢咩事...好煩啊，做親呢d都要寫report...唔想寫啊~~好彩呢一次少d姐~~
食緊lunch過陣...alan佢地黎宣傳團契，我地唔可以一齊去宣傳啊....因為要留係課室食飯，你地要加油啊....
食完lunch又落去宣傳，真係忍無可忍啊....今次我頂佢唔順啦..發左火...同佢嘈起上黎，講左幾句無理佢，跟住上返課室，我發覺自己係有少少衝動ga，不過佢跟本唔體量我地ga...費事搞到我地友誼大失啊...我主動地同佢道歉，跟住去上pe堂....今日講返起跑同接力...好慘啊...接力過陣，接棒接得唔好，俾人撞一撞，失平衡，跌左落地下....
放學過陣去左choir...講左一陣野走得，今年choir應該幾好玩ow..~~
夜晚好辛苦，又病病地，流鼻水，係咁打噴嚏....
呢排唔知點解成日病><