4月1日啦...
話咁快又一年啦...
今日既係愚人節...又係...秘密~
其實今日係我個生日~
但有幾多個人又知我個出生日期~?

尋日,約左康,華,安,文去行街食飯玩~
^^"可以算係慶祝我生日既~
一大早,我地去左又一城溜冰~
我地專程選左星期一~因為人少少,撻親都無咁多人見到~
有影低相呀~~^^放左去相簿~
^^"第二次溜...撻左好似6次~~唔錯架啦...
起碼撻得黎有意義~識得少少加速~
呵呵呵,次次都係因為加速而撻抵...
但仲未識剎制...>.<
溜到差唔多2點先走人~~
好好玩!!我相信,下次再黎,我應該會完全學識!!

之後,康話去西九龍食壽司~
我地一同5人,非常之合作~
入到間鋪,一坐低,未落單,就已經從迴轉處拎左幾碟到枱,
而且仲即刻開餐....^^成班餓鬼
係我第一次任食壽司~我都好耐無食壽司啦
一邊食一邊吹水一邊落單
好開心呀!!
一路食一路食~^^食到好似4點差唔多5點~
無記錯,5個人好似食左成百碟...
^^"平均每人20碟~可能係運動完後,特別開胃~
ok.埋單.$46 一位.

之後,打士去廣華街,-3- $30 旺角落車...
繼"電車"一詞之後,又出現"貨車".^^
唉..去到廣華,發現...間鋪無開門-3-
晒左$30車錢...之後佢地話去唱k既...
哈哈哈~~成百蚊一位~所以都係無去唱~
我,康,安回家lu~華同文去左睇史柏力魔怪書.
^^回程前,我地3個返左去廣華行左轉~
-0-原來另一間鋪有賣我想買既果支氣槍!!仲平d添!!
嘩!!好吸引呀!!>.<
但屋企已經有一支.好想買比自己當生日禮物呀!!
哈哈哈,屋企人話,屋企已經有一支,所以唔比"入境...
^^"唯有盡快放左手頭上呢支,買果支~嘻嘻

真正返屋企lu~

相:
http://photo.qooza.hk/album.php?user=wai15wai&albumid=299948