今日一早就出左門口...
準時10點到華明樓下間OK.^^
我地一共四人,我,肥昌,雄,文.
本黎諗住一齊人就出發~但
4個人都未食早餐...所以大家都買左個包食~
食完就出發~嘻嘻!!

好耐都未踩過村路啦!!好(登)好過癮!!
^^上次踩呢條路,都唔記得係幾時囉~
10點30分正式出發,12點正到達大圍.
唔錯唔錯~成績理想,時間岩岩好~
仲有多半粒鐘去食埋個lunch~
由粉嶺沿途大圍,見到好多人踩單車!!
~.~又開心又擔心....驚自己會撞親其他人..
假日...如果唔係自己親眼見到,都唔會信...
原來,紅日真係會有咁多人踩單車...~.~

lunch,叫左個雲吞河食~加左底~^^夠飽!!
食完,班會d人都岩岩到大圍站~嘻嘻,夠鐘join返佢地~
因為佢地無單車,所以出到黎先租車,
而我地4人自己有單車,哈哈哈,所以踩自己部車出到黎大圍~~
嘩~~好多人呀!原來今日班會有咁多人黎踩車~
嘩~~d租車價錢好金呀!!
$100一日,$120一日 ,
睇到個眼都大晒!!有無搞錯呀!!
雖然話係復活節姐...居然加價加到$100!!!
平日都只係$50左右...貴左成倍...
真係想食左人地隻車(居)~.~
班會成個預算都被打亂晒...
then,班會分開左兩批人...
一批去街街...一批繼續租車踩~.~
o...我與她...分道揚鑣了...

= = 今日我先發現...原來dickson係未識踩單車...
原本以為速成班有用...但都係教唔到佢~.~
租車>學車>行車(行左3km左右)>回鋪頭>還車 ~.~
呀!!!成舊水租既車...踩左唔夠一粒鐘= =
真係唔知講咩好....唉....佢份人真係有情有義...

之後,我地一團人,正式起團~
肥昌話佢有事要走先~ok~88^^
一支箭的,飛左返粉嶺~
我地既目的地就係大埔的還車區= =
租車係為左還車....唉...都唔知咩道理黎的..
我又踩返黎既果條路....~.~而且仲多人左...

今日都唔知點解個太陽好似特別曬的...
尋日個天都仲係陰陰沉沉的..今日早上都ok架~
但過左中午...唉...雖然有人話 風和日麗...
但...亦都未避係太過曬啦掛~.~
我著短袖衫...晒到對手都紅晒...皮膚傷晒...
(我依家打字都feel到,又痛又黑= =...
下次咁曬...唔洗預我踩車...)

時間話咁快到左黃昏5點~
不過...好似唔知邊度有得還車~.~
一團人周圍撞...好彩都撞岩左~
間鋪旁邊有一間ok~^^OK喎~當然唔走雞啦~
入去買返支軟雪糕食下先~正!好味!涼到入心呀>.<
仲要係我最愛既朱古力味^^

我,雄,文,要同班會分開啦~
踩左成日...佢地可以搭車返屋企...
而我地3個..仲要踩車返粉嶺~.~
意味住...仲有十幾公里等住我地去踩~.~
呀.....咁踩落去好易死人的!!
都無辦法唔踩埋去...唔踩無得返屋企...
回程,我地無踩村路...因為回程村路好辛苦!!
所以選行大咼西路~
返到粉嶺啦,真係就黎死啦~.~
返到屋企,岩岩7點...

^^今日咁辛苦~返到屋企,
有個人聽我訴苦~好開心呀!!
今次無機會同佢踩~唔緊要,
佢答應左,下次再約人踩~^^
嗯嗯!!不過要選一日無咁曬...
我唔想再做黑仔....

今日,好彩你無租單車...
成百蚊一日...租既唔心痛,
睇你租既人都心痛...
< 用錢買難受 >
又熱又曬又多人.....
寧願用d錢去食餐勁的!!
anyway,今日都算開心啦~

to tracy yi bb,
幸好你今日無去^^
如果唔係,你都會曬到黑晒.
^^"咁我就會變左做衰人...