一日得24小時 其實真係唔夠 想訓多D 玩多D 學多D 睇多D

不過比你有1日有48小時又點 到時你番工要番廿幾個鐘 一年可能得番一百幾日  屌

我好早就覺得 或者明白 做人最緊要開心 不過要做到又另一回事

即係好似我想周圍去 去唔同既國家鳩行 睇下野 同人吹下水咁 

其實我有心去 真係冇人阻到我  可能我有包袱 可能係冇膽 可能係懶 唔知啦 總之就係冇做到

算啦都係得個諗字 成日都係得把口

人生有咩意義?   邊有意義呀  只係人生出泥有個腦之後就比你自己問自己 人生有咩意義

我覺得人生唔係為左D乜野 但係我會用人生既時間去追求自己想要既感覺 一D自己鍾意既感覺 一D開心既感覺

容易開心既人真係好  同其他人比較可以易過其他人獲得同程度既快樂 好抵  不過我都算易開心既人既哈哈

唉 做咩都要錢 咁鬼煩架  不過有人就有交易就有貨幣 就算冇人淨係有老虎 我過路都要DUM舊豬肉比佢

D人好貪心囉  應該送下錢比我洗 航空公司應該請我搭飛機  酒店應該請我住 旅行社應該請我玩呀MA

不過我咁諗又係貪心 真係衰  

我呢排又係到買番六合彩 真係好貪心 想一注獨中 但係我唔會放棄 因為10蚊 我買到好多感覺  買一個機會 買一個等六合彩開果種期待既興奮 真係好抵

呢個世界好唔公平囉  外國福利好咁多 讀書,工作,環境又好咁多  

不過從來都冇公平架啦 只有一直趨向公平  就算全世界既一樣樣 一樣性格 人人有屋著 面積一樣 呼吸既空氣濃度一樣都好 溫度一樣 福利一樣 乜鳩都一樣

D人都會話 火星好似幾正 點解我會係地球出世架 唔公平囉 

D人可能話 知唔知非洲幾多人冇野食呀 你要知足啦

不過我好知足之餘都仲會好好好貪心! 因為我知道我可以更加開心 真係好貪心

好貪心YO

雖然我衣家唔係唔開心 都過得唔錯 不過我就係貪心 要追求更好 

其實我衣家就可以出門口去追求我想要既感覺 例如行去布宜諾斯艾利斯

不過呢個社會太多束縛同限制 但係其實我係可以唔理呢D束縛同限制去做

但係我都係冇做 因為我細膽 我付唔起放棄社會既代價  陰公豬 我好屎

講就講我想係外國大草原住木屋 踩下草養下動物望下海行下山

但係如果一直係好似香港咁既城市  我第日有份做得開心既工 唔錯既同事

有個好鍾意既老婆 有D仔女有間屋 我都好撚開心啦  

不過屌你真係好撚難  都係諗下算

個天比我有手有腳打下QOOZA FF 都算對我幾好

跟著又送個腦袋比我諗 個天比我有手有腳打下QOOZA FF 都算對我幾好

咁我就可以用0成本去生產一個良好既感覺比自己  所以我現在已經獲得了開心的感覺 謝謝

不過感覺係D時間性既野  所有感覺都係會隨時間變淡或者消失

不過唔洗灰心 因為感覺可以重新建立  就睇你自己架炸!!!

剛剛吸了一口氣 挺舒服  哎唷 好開心喔